Gjykata e Posaçme Kundër Korrupsionit dhe Krimit të Organizuar ka ndryshuar masën e sigurisë ndaj ish-drejtorit të Autoritetit Rrugor Shqiptar, Gentian Gjyli. Pas shqyrtimit të kërkesës, GJKKO ka vendosur që ndaj Gjylit të aplikohet masa “detyrim për t’u paraqitur”, ndërsa i është ndaluar edhe largimi nga territori i Shqipërisë.
Të njëjtat masa sigurie janë caktuar edhe për ish-administratorin e Korporatës Elektroenergjetike Shqiptare, Erald Elezi.
Gentian Gjyli është i përfshirë në hetimet për procedurat e tenderimit dhe zbatimit të projektit për ndërtimin e tunelit të Llogarasë. Çështja është pjesë e një dosjeje më të gjerë të SPAK, ku është marrë e pandehur edhe ish-zëvendëskryeministrja Belinda Balluku. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm