Gjykata e Apelit të Posaçëm ka lënë në fuqi dënimet e dhëna më herët nga GJKKO për Gëzim Bakallin dhe Erjon Locin, të akuzuar për trafik narkotikësh dhe pjesëmarrje në grup kriminal. Gëzim Bakalli është dënuar me 19 vite burgim, ndërsa për shkak të gjykimit të shkurtuar, dënimi i tij reduktohet me 1/3, duke u llogaritur përfundimisht në rreth 12 vite e 8 muaj burgim. Ndërkohë, Erjon Loci është dënuar me 12 vite burgim, dënim i cili, në zbatim të gjykimit të shkurtuar, reduktohet në 8 vite burgim. Çështja ndaj dy të pandehurve është hetuar nga prokurori i posaçëm i SPAK, Adnan Xholi, i cili i ka marrë të pandehur për veprat penale të trafikut të narkotikëve dhe grupit kriminal. Me vendimin e Apelit të Posaçëm, dënimet e dhëna nga GJKKO mbeten në fuqi, ndërsa për të dy të pandehurit zbatohet reduktimi i dënimit për shkak të gjykimit të shkurtuar. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: Erjon Loci
