TIRANË- Me pjesëmarrje të ulët dhe sulme sporadike me gurë e molotovë ndaj policisë, vijoi protesta e të rinjve edhe këtë të shtunë në Tiranë. Pasi larguan militantët e PD-së, protestuesit marshuan në shi nga Ministria e Arsimit drejt Kryeministrisë. Mes tyre u panë edhe Arlind Qori dhe Erald Kapri, të cilët më herët ishin akuzuar nga drejtuesit e PD-së me argumentin se ishin ata autorët që përzunë demokratët nga protesta te Ministria e Arsimit ku u regjistruan përplasje mes dy grupimeve. Gjatë kësaj kohe, një grup të maskuarish sulmuan efektivët me gurë e molotovë, ndërsa policia ndërhyri me ujë me presion për t'i sprapsur. LEXO edhe...Lazerë dronit, momenti kur protestuesit e rrëzojnë (VIDEO) Në orët e mbrëmjes, një grup protestuesish nisi sulmet drejt godinës qeveritare ku shkuan rreth orës 16:00. Një grup protestuesish të maskuar nisën të shkulin gurë nga bulevardi dhe t'i grumbullonin për sulme ndaj policisë. Disa prej tyre përdorën edhe llastiqe, ndërsa të tjerë drejtuan lazerë ndaj autobotit të ujit dhe një droni që ia dolën ta rrëzonin. Disa molotovë shpërthyen në këmbët e policëve dhe poshtë autobotit të ujit, ndërsa uniformat blu u përgjigjën me gaz lotsjellës dhe ujë me presion. Rreth orës 17:15, pas sulmeve me molotovë ndaj efektivëve dhe autobotit, policia ndërhyri me ujë me presion, duke i sprapsur protestuesit drejt Piramidës. Sulmet vijuan pranë Kullave Binjake, ku molotovët shkaktuan flakë në rrugë, të cilat u shuan nga policia. Kundërpërgjigjja e uniformave blu me ujë me presion solli shpërndarjen e protestuesve, pjesa më e madhe drejt Parkut Rinia, ndërsa u shmangën edhe sulmet e mundshme drejt bllokut të ministrive, që më herët kanë qenë objekt sulmi. Një grup i vogël protestuesish u grumbullua në sheshin 'Skënderbej' ndërsa të tjerë shkuan në rrugën "Myslym Shyri" ku shkaktuan trazira të vogla me molotovë. Disa protestues që kishin mbetur, u rikthyen në bulevard. Aty, tri vajza ishin veshur si police për Halloween për të ironizuar forcat e rendit. Ora 19:39 Lazerë dronit, momenti kur protestuesit e rrëzojnë (VIDEO) Ndërsa në bulevard zhvilloheshin përplasje të herëpashershme me policinë, protestuesit ia dolën të dëmtonin një dron.Duke përdorur lazerë, ata e rrëzuan dronin, duke e pritur këtë moment me brohorima. Share Ora 19:24 Protestueset ironizojnë me veshjet e policisë për Halloween: Maska më e frikshme (VIDEO) Tre protestuese të maskuara janë veshur me uniforma policie për festën e Halloween. Njëra prej tyre mban në duar një pankartë ku ironizon ‘blutë’.“Maska më e frikshme sot për sot, policia”, thuhet në të. Share Ora 18:58 Një grup i vogël protestuesish rikthehen te Kryeministria, policia reagon me spraj, lëndohet edhe një gazetare! Qytetari kërkon ndryshimin e Kushtetutës (VIDEO) Një grup i vogël protestuesish janë rimbledhur para Kryeministrisë. Policia ka ndërhyrë duke përdorur spraj, ndërsa gjatë incidenteve është lënduar edhe një gazetare. Një prej protestuesve kërkoi ndryshimin e sistemit politik dhe hartimin e një Kushtetute të re, duke akuzuar Ramën dhe Berishën se kanë krijuar një sistem që nuk përfaqëson qytetarët.“Ne jemi këtu se këtij vendi i duhet dhënë një drejtim tjetër. Ne duam zgjidhje themelore në këtë vend. Këtu duhet një Kushtetutë e re. Sali Berisha dhe Rama duhet të zhdukin Kushtetutën e vitit 2008. Këta që janë në Kuvend nuk na përfaqësojnë. Ata nuk na përfaqësojnë, nuk i kemi zgjedhur ne, i kanë zgjedhur kryetarët e partive. Gjithë shqiptarët duhet të bashkohen për Shqipërinë, që shqiptarët të mos vuajnë e të mos ikin më. Ky është atdheu i vetëm që kemi”, tha ai. Share Ora 18:11 Protestuesit shpërndahen nëpër rrugë, hedhin molotovë te ‘Myslym Shyri’! Policia marshim (VIDEO) Protestuesit kanë hedhur molotovë në disa pika në rrugën “Myslym Shyri.”Protestuesit janë shpërndarë në pika të ndryshme rreth qendrës së Tiranës. Ndërkohë, policia gjithashtu po marshon dhe u është vënë pas.Më herët, një grup i vogël protestuesish u vendosën te sheshi ‘Skënderbej.’ Share Ora 17:51 Një grup i vogël protestuesish marshojnë nëpër rrugët e Tiranës (VIDEO) Një grup i vogël protestuesish kanë nisur marshimin nëpër rrugët e Tiranës. Policia i shpërndau me ujë nga bulevardi, ku nuk munguan sulmet me gurë e molotovë. Share Ora 17:28 Ana ‘tjetër’ e protestës, përqafim mes protestuesit e policit (VIDEO) Më herët, para se të nisnin sulmet e protestuesve para kryeministrisë, një prej tyre përqafoi një efektiv. Share Ora 17:24 Uji shpërndan protestuesit, policia merr ‘kontrollin’ e bulevardit (VIDEO) Policia ka ndërhyrë përsëri me ujë për të zhvendosur protestuesit, pas disa sulmeve radhazi me molotovë.Protestuesit duket të jenë shpërndarë, ndërsa ndërhyrja është e gjithanshme, nga Piramida drejt ish-hotel ‘Dajtit’ dhe Ministrisë së Brendshme. Share Ora 17:12 Sërish sulme autobotit të policisë, protestuesit i hedhin molotovë (VIDEO) Protestuesit e maskuar nuk po i reshtin sulmet me molotovë drejt policisë, duke shënjestruar sërish autobotin e ujit. Policia i ka shuar flakët duke përdorur një fikëse zjarri portative. Share Ora 17:06 Protestuesit molotovë Kullave Binjake, policia shuan flakët, thirrje për distancim nga dhuna (VIDEO) Pas molotovëve drejt policisë, protestuesit kanë hedhur të tjerë drejt Kullave Binjake. Policia i shoi menjëherë flakët në rrugë me fikëse zjarri. Uniformat blu po bëjnë thirrje për distancim nga aktet e dhunshme. Share Ora 17:00 Protestuesit molotovë policisë, i spraps me ujë (VIDEO) Kanë nisur sulmet e para të protestuesve me molotovë drejt efektivëve te kryeministria. Ata kanë hedhur disa prej tyre drejt autobotit të ujit, por pa arritur ta prekin.Policia po ndërhyn duke hedhur ujë. Vihet re se deri më tani nuk ka pasur përdorim të gazit lotsjellës. Protestuesit po sprapsen drejt Piramidës. Share Ora 16:58 Protestuesit ‘lojëra’ te kryeministria, lazerë autobotit të ujit, i pasojnë gurë njëri-tjetrit (VIDEO) Protestuesit po drejtojnë lazerë drejt autobotit të ujit që ndodhet në krah të kryeministrisë. Të tjerë, të maskuar, vijojnë sulmet me gurë.Dy protestues po përdorin gurët për të luajtur me njëri-tjetrin, duke i pasuar si ‘top’. Share Ora 16:35 Protestuesi i maskuar i dhuron puthje kamerës (VIDEO) Protestuesi i maskuar që është bërë i famshëm për gjestet e tij paqësore, ka dhuruar sërish puthje me dorë para kamerës. Share Ora 16:34 Gati për sulme, protestuesit e maskuar grumbullojnë gurët (VIDEO) Disa protestues të maskuar po grumbullojnë gurë, i shkulin dhe i hedhin në bulevard duke përgatitur sulmet drejt kryeministrisë e efektivëve.Disa të tjerë gjuajnë herë pas here me llastiqe. Share Ora 15:47 ‘Strukur’ në çadra, protestuesit marshojnë drejt kryeministrisë (VIDEO) Protestuesit janë larguar nga Ministria e Arsimit dhe ndërsa reshjet e shiut vijojnë, po marshojnë me çadra drejt kryeministrisë. Share Ora 15:34 Shiu shpërndan protestuesit, bie pjesëmarrja (VIDEO) Ndërhyrja e policisë me ujë, pasuar edhe nga shiu, po shpërndajnë protestuesit. Një pjesë e mirë prej tyre janë pajisur me çadra e mushama, por ata po lëvizin drejt hyrjes së “Rrugës së Durrësit.”Disa prej tyre janë strehuar jashtë bizneseve, të cilat janë të mbyllura. Share Ora 15:30 Protesta te Ministria e Arsimit/ Molotovët shpërthejnë në këmbët e efektivëve (VIDEO) Molotovët e protestuesve po shënjestrojnë policinë, ku disa prej tyre kanë përfunduar në këmbët e efektivëve. Fatmirësisht, këto incidente kanë kaluar pa lëndime. Share Ora 15:26 Flakë nën autobotin e ujit, protestuesit hedhin molotovë (VIDEO) Protestuesit kanë nisur sulmet me molotovë te Ministria e Arsimit, ku disa prej tyre kanë përfunduar poshtë autobotit të ujë duke shkaktuar shpërthim e flakë. Share Ora 15:23 Protestuesit e maskuar sulme me gurë e molotovë në drejtim të efektivëve, Policia ndërhyn me ujë me presion (VIDEO) Protesta para Ministrisë së Arsimit është përshkallëzuar sërish në dhunë, pasi protestuesit e maskuar kanë sulmuar me gurë e molotovë efektivët e policisë. Për t'i shpërndarë dhe për të ndalur sulmet, Policia ka ndërhyrë me ujë me presion. Share Ora 15:22 Halloween dhe protestë, ‘kllouni’ djallëzor shfaqet në turmë (VIDEO) Një protestues ka shfaqur kreativitet me maskimin e tij që në vend të kapuçëve të zinj apo syzeve, të përdorë maskën e një kllouni të frikshëm. Më pas, imiton edhe një të qeshur djallëzore.Maskimi i tij i përshtatet edhe festës së Halloween-it sot. Share Ora 14:58 'Maskat' në aksion, shkulin pllakat e trotuarit dhe sulmojnë policinë (VIDEO) Të maskuarit kanë shkulur pllakat e trotuarit para Ministrisë së Arsimit.Ata kanë sulmuar edhe blutë me gurë, teksa kanë qëlluar edhe drejt institucionit. Share Ora 14:54 Protestuesit zjarr koshave të mbeturinave, policia hedh ujë (VIDEO) Mes sulmeve me gurë të protestuesve të maskuar ndaj policisë dhe zjarreve në koshat e mbeturinave, policia ka nisur të ndërhyjë me hedhjen e ujit. Një autobot është afruar dhe po hedh ujë për të fikur flakët në kazanët e mbeturinave.“Polici e krimit”, dëgjohen protestuesit në kor. Share Ora 14:39 Pas djegies së koshave, protestuesit hedhin molotov dhe gurë drejt Ministrisë së Arsimit (VIDEO) Pas djegieve të dy koshave të mbeturinave në mes të rrugës, protestuesit kanë hedhur molotov para Ministrisë së Arsimit.Të maskuarit gjithashtu kanë gjuajtur me gurë drejt institucionit. Share Ora 14:14 Protestuesit ndezin tymuese, u vënë flakën koshave te Ministria e Arsimit! Policia thirrje: Mos bllokoni rrugën (VIDEO) Protestuesit po ndezin tymuese blu e të kuqe, si dhe po djegin kartonë e dy kosha mbeturinash në rrugën para Ministrisë së Arsimit. Gjithashtu po hedhin edhe kapsollë.Policia po bën thirrje që të distancohen nga aktet e dhunshme. “Mos bllokoni rrugën” dhe “mos ndizni zjarre”, thotë policia.Në gatishmëri është edhe autoboti i ujit. Share SI.E./P.J/ReportTv.al Tirane protestat kunder qeverise Komento Komente Arta: 31/10/2026 19:06 Ato dy hocat qe shtynin policet ishin shume agresive po cfare faji te kane ato ato jane ne krye te detyres por edhe gazetarja shkoi ti hidhte zjarr benzines dhe pastaj ankohen se policia i hodhi piper,policet shume te qete bravo,sa gram te bardhe ju ka dhene qorri qe beni si histerike Përgjigju Sondazhi i ditës: A besoni se TVSH-ja 6 përqind për ushqimet do të reflektohet si duhet në uljen e çmimeve? Po 50.1% Jo 41.3% Nuk e di 8.6% Vota total: 513 Sondazhi i ditës: A besoni se TVSH-ja 6 përqind për ushqimet do të reflektohet si duhet në uljen e çmimeve?
