Ndërsa diplomatët e NATO-s vlerësojnë se zhvillimi i samitit të Aleancës në Shqipëri vitin e ardhshëm mbetet pak i mundshëm, Tirana po propozon një format më fleksibël për organizimin e tij, përfshirë shtyrjen e takimit ose zhvillimin e një samiti virtual. Ministri i Mbrojtjes, Ermal Nufi, në një deklaratë për median ‘Politico.eu’ është shprehur se Shqipëria është e gatshme të shqyrtojë alternativa për organizimin e takimit të nivelit të lartë të NATO-s. Sipas Politico, udhëheqësit e Aleancës kanë hezituar të angazhohen për zhvillimin e samitit në Shqipëri, për shkak të shpenzimeve të ulëta të vendit për mbrojtjen dhe marrëdhënieve gjithnjë e më të tensionuara me presidentin amerikan Donald Trump. Propozimi shqiptar për një takim fleksibël vjen në një kohë kur mbeten pikëpyetje mbi mundësinë e organizimit të samitit në Tiranë dhe angazhimin e aleatëve për këtë çështje. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm

