Dy vizione krejt të kundërta për hartën administrative të vendit kanë mazhoranca e opozita, 15 bashki më pak thonë socialistët, 39 më shumë propozojnë demokratët. Pasditen e së enjtes PD zbuloi draftin e saj propozohet një ndarje me 100 bashki, 12 qarqe dhe 6 rajone. Për selinë blu shtimi i bashkive do të sjellë më shumë shërbime cilësore për qytetarët dhe menaxhim më të mirë të territorit, kështu propozon që të shtohen 39 njësi vendore të reja sidomos në qarqet Fier, Tiranë dhe Lezhë. LEXO EDHE:Qarku i Mirditës Shtimin më të madh të numrit të bashkive PD e propozon në qarkun e Fierit me 6 të tilla, si Fiershegan, Dushk, Ardenicë apo Cakran etj. Kështu fieri bëhet qarku me numrin më të madh të bashkive në vend me 12 të tilla. Në vend të dytë vjen qarku i Vlorës, që sipas PD duhet të ketë 11 bashki në territor, dhe propozon të shtohen Orikumi, Amantia, Ksamili dhe Novoselë. Të tretët janë qarku i Tiranës dhe i Korçës, dhe nga 10 bashki secila. Konkretisht demokratët propozojnë 5 bashki të reja për Tiranën (Dajti, Petrela, Kashari, Ndroqi e Arbana) dhe 4 të tjera për Korçën (Leskovik, Voskopojë, Mokër e Pojan). Në hartën e selisë blu propozohen 3 bashki të reja në qarkun Shkodër (Velipojë, Deivast, Koplik), 5 në qarkun Lezhë (Bregu i Matës, Orosh, Zadrimë, Mamurras e Rubik), në Dibër shtohen 4 bashki (Maqellarë, Lurë, Shupenzë e Kastriot). Kurse qarqeve Kukës, Durrës, Elbasan dhe Berat sipas PD duhet t’u shtohen secilës nga dy bashki. Të vetmin qark që nuk prek reforma e propozuar nga demokratët është Gjirokastra të cilën e lë me 7 bashki, aq sa ka aktualisht. PD ndryshe nga PS nuk e shoqëron me sqarime këtë ndarje territoriale që propozon, por në mesazhin që Luçiano Boçi iu ka dërguar demokratëve thuhet vetëm: “Të nderuar deputetë me miratim të Kryetarit të PD dhe të Kryetarit të grupit ju përcjell listën e bashkive të paraqitur në raport nga ekspertët tanë”. Më herët gjatë së enjtes, pasi PS publikoi hartën e saj me 46 bashki, Bashkëkryetari i Komisionit të Reformës Territoriale, Luçiano Boçi, e kundërshtoi atë duke e cilësuar ‘një projekt politik që synon centralizimin e pushtetit vendor’. Sipas tij, “nuk ka asnjë provë që bashkitë më të mëdha japin shërbime më të mira”, teksa shton se me këtë reformë të re rrezikohet të thellohet edhe më shumë shpopullimi që prodhoi reforma e 2014-ës. Më tej Boçi e cilësonte draftin si “një thikë pas shpine për qytetarët" dhe bënte thirrje për protesta kundër reformës së propozuar. PROPOZIMET E PD PËR BASHKITË E REJASukth Otllak CakranFrakull Shishtavec BicajLeskovik Voskopojë MokërBregu i Matës Orosh ZadrimëMamurras Rubik MaqellarëLurë Shupenzë KastriotPetrelë Kashar Dajt Arbanë Ndroq ArdenicëFiershegan Dushk FratarKsamil Amantia NovoselëKoplik Orikum PojanDrivast Bilisht ShpiragVelipojë Shpat BradasheshKliko këtu për të parë dokumentin e plotë Rendit zhvillimet sipas orarit: Të Fundit Të Parat Ora 21:28 Propozimi i PD për ‘Territorialen’, Meta: Përgjigja më efikase ndaj dështimit të reformës së 2014-ës! Alternativa e Ramës, forcim i centralizimit Ish-presidenti Ilir Meta ka përkrahur propozimin e PD për hartën e re territoriale me 6 rajone e 100 njësi duke thënë se është përgjigje efikase ndaj reformës së vitit 2014.Sipas kreut të Partisë së Lirisë, alternativa socialiste forcon centralizimin, largon shërbimet nga qytetarët dhe përshkallëzon shpopullimin.“Përshëndes dhe mbështes plotësisht alternativën e opozitës për 100 njësi vendore, si përgjigjia më efikase ndaj dështimit të reformës territoriale të vitit 2014, e cila prodhoi të kundërtën e premtimeve të saj duke larguar shërbimet nga qytetarët dhe rritur ndjeshëm shpopullimin e shumë trevave historike dhe me plot pasuri e potencial për zhvillim, si dhe duke mbushur bashkitë me patronazhistë, njëherazi duke u rrëmbyer njësive vendore shumë kompetenca që u përqëndruan në dorën e Qeverisë.Akti i ditur prej kohësh i minimit të konsensusit nga Edi Rama mund të çudiste vetëm naivët.Alternativa e tij, pra e “Rilindjes”, është forcimi i centralizimit, përmes pakësimit të ndjeshëm të numrit të bashkive, largimit të mëtejshëm të shërbimeve ndaj qytetarëve dhe përshkallëzimit të shpopullimit të Shqipërisë.Koha për të mbështetur kudo alternativën e opozitës, që është interes i të gjithë qytetarëve dhe i të gjithë banorëve të këtyre komuniteteve që do të përfitojnë nga decentralizimi dhe afrimi i shërbimeve.Alternativa e opozitës është një kontribut i rëndësishëm për të ndaluar shpopullimin dhe për nxitur politikat e popullimit të vendit.Kjo alternativë duhet t'ju bëhet e njohur të gjithë shqiptarëve, në çdo qytet dhe bashki, në mënyrë që çdo qytetar të njohë këtë projekt që i jep fund centralizimit korruptiv dhe mafioz të pushtetit vendor në duart e Edi Ramës”, shkruan Meta në rrjetet sociale. P.J/Shqiptarja.com Share P.J/E.H/Shqiptarja.com TAG: reforma territoriale PD Komento Komente Linda: 31/07/2026 05:41 Me cfare telefoni komunikon nje i burgosur?Telefonat jane te ndaluar neper burgje dhe kush kapet me telefon merr denim shtese! Perse priviligjohet ky?Vazhdon i qete jep mendime organizohet e bashkpunon me opoziten dhe protesten per grusht shteti!!!Boll me kete grabitqar me kete hajdut qe dergon trafikantet e tij nga Anglia dhe paguan dhe te tjeret brenda Shqiperis qe te bejn ato sulme ne parlament!! Nuk do shume zgjuarsi ta kuptosh qe te gjitha organizohen nga Berisha + Likja se asnje makine e opozites dhe deputeteve te Likes nuk eshte sulmuar deri tani! Mos flasi fare dhe mos te qarkulloj asnje mendim i tij te rri atje ku eshte dhe te vazhdoj burgun,boll i ka bere gjemen Shqiperis! Përgjigju kiko: 30/07/2026 22:10 Nuk bëhet reforma teritorjale pa dakortsi me opozitën por kjo që thotë opozita është çmënduri....rruga e vetme është referendumi në të kundërt PS do humbasi bazën pastaj të na rojnë ata që e bënë.... Përgjigju Sondazhi i ditës:
30 Korrik, 15:33
Si iu duket propozimi i PS-së që nga 61 të kalohet në 46 bashki? I drejtë 63% I gabuar 29.3% I/e dyzuar 7.6% Vota total: 1564 Votat totale janë unike Sondazhi i ditës: 30 Korrik, 15:33 Si iu duket propozimi i PS-së që nga 61 të kalohet në 46 bashki?