Kryedemokrati Sali Berisha, i shoqëruar nga deputetët e tjerë të PD-së ka mbërritur në Kuvend për seancën plenare.
Para hyrjes në Kuvend, Berisha foli për mediat ku tha se Parlamenti duhet të shkrihet dhe qyetarët duhet të fitojnë betejën e tyre. “Parlamenti mblidhet në rrethim! I vetmi akt i përgjegjshëm i tij është të deklarojë fundin e tij, shkrirjen e tij dhe hapjen rrugë për zgjedhjen që kërkojnë mbarë rinia dhe qytetarët shqiptarë.
Çdo akt tjetër është fund e krye i pavlerë. Ndaj dhe ne kërkojmë sot vetëshpalljen, shkrirjen e këtij parlamenti. Ky është, them edhe njëherë, i vetmi vendim i drejtë që parlamenti mund të marrë sot”, tha shkurtimisht Berisha. Ndërkohë pak metra larg Kuvendit vijojnë përplasjet dhe tensionet mes protestuesve dhe efektivëve të policisë. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.