Një tjetër rast me virusin e Nilit Perëndimor është konfirmuar në Shqipëri. Pacienti është nga qarku i Korçës. Bëhet fjalë për një 51-vjeçar nga Vreshtasi i Maliqit, i cili ka shfaqur shenjat e para të infeksionit në Korçë.Lexo edhe:Kthjellime dhe vranësira - Ja si do të luhaten temperaturat këtë 30 shtator Pas shfaqjes së simptomave, 51-vjeçari është dërguar për ndjekje të mëtejshme në Tiranë, ku ka marrë trajtimin e nevojshëm. Sipas të dhënave, pacienti është shëruar plotësisht. Me këtë rast, numri i rasteve të konfirmuara me virusin e Nilit Perëndimor në Shqipëri shkon në dy. Rasti i parë u konfirmua në muajin gusht, te një 72-vjeçar nga zona e Korçës, i cili gjithashtu u shërua.
