Joe Wilson Protestat studentore dhe ndërhyrjet e policisë në Shqipëri kanë sjellë reagimin e kongresmenit republikan amerikan Joe Wilson. Në një mesazh të fortë publik, ai shpreh shqetësimin për përshkallëzimin e krizës në vendin aleat të NATO-s dhe i kërkon qeverisë të përmbahet nga dhuna ndaj protestuesve. Kryeministri Edi Rama merr një goditje të fortë politike nga Uashingtoni, ndërsa protestat studentore dhe qytetare vijojnë në Tiranë. Kongresmeni republikan amerikan Joe Wilson ka reaguar publikisht për situatën në Shqipëri, duke i drejtuar qeverisë një thirrje të qartë për të ndalur dhunën ndaj protestuesve.
Përmes një postimi në platformën X, Wilson shpreh shqetësimin e tij për përshkallëzimin e krizës në Shqipëri, duke theksuar edhe statusin e vendit si aleat i NATO-s.
Reagimi i tij vjen në një moment kur Tirana po përjeton ditën e pestë të protestave kundër qeverisë së Edi Ramës. Gjatë orëve të fundit, policia ka përdorur gaz lotsjellës dhe ujë me presion për të shpërndarë demonstruesit, ndërsa protestuesit janë zhvendosur në rrugë të ndryshme të kryeqytetit.
Në mesazhin e tij, kongresmeni republikan e vendos theksin te liritë qytetare, sundimi i ligjit dhe përgjegjësia e institucioneve shtetërore.
“Po e ndjek me shqetësim të madh përshkallëzimin e krizës në Shqipërinë aleate të NATO-s. Populli shqiptar meriton liri, sundim të ligjit dhe llogaridhënie institucionale”, shkruan Wilson.
Por mesazhi më i drejtpërdrejtë i kongresmenit amerikan i adresohet qeverisë shqiptare dhe mënyrës se si ajo po përballet me demonstratat.
“Qeveria duhet të përmbahet nga çdo dhunë kundër protestuesve. Të rinjtë meritojnë një zë në të ardhmen e vendit të tyre”, thekson kongresmeni republikan. Kjo deklaratë përbën një kritikë të drejtpërdrejtë ndaj përdorimit të dhunës kundër demonstruesve dhe një mbështetje të qartë për të drejtën e të rinjve për t'u dëgjuar.
Reagimi merr peshë të veçantë për shkak se vjen nga një anëtar i Kongresit amerikan, në një kohë kur qeveria shqiptare po përballet me protesta të vazhdueshme dhe kërkesa për dorëheqjen e kryeministrit.
Gjatë ditës, përplasjet në bulevardin “Dëshmorët e Kombit” u shoqëruan me ndërhyrje të forta policore, gaz lotsjellës dhe automjete ujëhedhëse. Nga ana tjetër, grupe protestuesish hodhën gurë, sende të forta dhe kokteje Molotov ndaj forcave të rendit.
Edhe pas shpërndarjes së turmës nga bulevardi, demonstruesit vijuan marshimin në zona të tjera të Tiranës, ndërsa policia i ndoqi me forca të shumta dhe automjete ujëhedhëse.
Në këtë kontekst, deklarata e Joe Wilson e zhvendos vëmendjen përtej zhvillimeve në rrugët e kryeqytetit, duke e vendosur krizën shqiptare edhe në vëmendjen e politikës amerikane.
Mesazhi i kongresmenit është i qartë: qeveria duhet të përmbahet nga dhuna, institucionet duhet të japin llogari dhe të rinjtë shqiptarë duhet të kenë të drejtën të ndikojnë në të ardhmen e vendit të tyre.joe wilson rama Lini një Përgjigje Anuloje përgjigjen Politike Berisha vijon të "fusë duart" te protesta e studentëve, thirrje për mosbindje civile 17 Tetor 2026, 20:4020:40Politike Tirana digjet, Rama 'krihet'; u kërkon deputetëve video 60-sekondëshe për të sulmuar revoltën 17 Tetor 2026, 20:0320:03Politike Arben Malaj apel socialistëve: Largoni Ramën, shpëtimi i vendit detyrim moral dhe kombëtar! 17 Tetor 2026, 18:3318:33Politike Revolta e të rinjve nga Franca në Shqipëri: Ç’do të ndodhë në zgjedhje? 17 Tetor 2026, 17:3517:35Politike Protesta e studentëve/ Blushi: Me Edi Ramën nuk ka negociata, largimi i tij kusht i panegociueshëm 17 Tetor 2026, 14:0414:04Politike Berisha: Studentët po luftojnë për çdo shqiptar, Rama kërkon ta paraqesë revoltën si protestë të PD-së 17 Tetor 2026, 13:1513:15Politike