Kryeministri Edi Rama mbledh sot në orën 13:00, në Vilën e Kuqe në Tiranë, ministrat, zëvendësministrat dhe drejtuesit politikë të qarqeve, përfshirë deputetët e deleguar në territore. Takimi pritet të përqendrohet te detyrat e përcaktuara nga kryeministri gjatë takimit të zhvilluar të premten, më 28 gusht, ku u diskutua organizimi dhe kalendarizimi i axhendës për sezonin e ri politik.
Në qendër të diskutimeve do të jetë shtrirja e “Pranisë Besnike” në çdo territor, si dhe puna për përgatitjen e ndryshimeve ligjore që lidhen me platformën “PasqyrAlbania”.
Platforma u prezantua gjatë takimeve dyditore me dyer të mbyllura në Pogradec, ku Rama kërkoi që problematikat dhe shqetësimet e qytetarëve të vendosen në qendër të veprimtarisë politike dhe qeverisëse.
Në axhendën e Partisë Socialiste janë parashikuar gjithashtu takime të tjera gjatë ditëve në vijim. Top Channel