Foto ilustruese Qeveria do të paguajë kompaninë ‘G37 Chambers’ për të monitoruar punën e prokurorisë... Teksa SPAK po heton një numër gjithnjë e më të madh zyrtarësh të lartë të politikës shqiptare, qeveria ka vendosur të angazhojë një kompani ndërkombëtare për të monitoruar nga afër punën e saj dhe të prokurorive të rretheve.
Me një vendim të miratuar sot nga Këshilli i Ministrave, ministri i Drejtësisë është autorizuar të negociojë drejtpërdrejt me Guernica 37 Chambers (G37 Chambers), një grup avokatësh me qendër në Londër, për ofrimin e shërbimit të konsulencës gjatë vitit 2026.
Sipas vendimit, kompania do të ndihmojë Ministrinë e Drejtësisë në monitorimin e prokuroisë nëse i ka zbatuar si duhet apo jo rekomandimet e qeverisë për luftën ndaj kriminalitetit.
Lëvizja vjen në një moment kur SPAK është kthyer në institucionin më të rëndësishëm të drejtësisë shqiptare dhe njëherazi në makthin e klasës politike. Në kampin e mazhorancës, disa ish-ministra, ish-kryebashkiakë dhe zyrtarë të lartë janë nën hetim apo në procese gjyqësore, ndërsa në opozitë ish-presidenti Ilir Meta ndodhet në burg dhe kreu i PD-së, Sali Berisha, është marrë i pandehur. Vendimi i qeverisë Zyrtarisht, objekti i kontratës nuk është kontrolli i SPAK-ut, por ndjekja e zbatimit të rekomandimeve prioritare në luftën kundër kriminalitetit. Megjithatë, fusha e punës prek drejtpërdrejt institucionet e drejtësisë, pasi parashikon monitorimin e metodologjisë së zbatimit të rekomandimeve, analizimin e mënyrës së raportimit dhe mbledhjes së informacionit, si edhe bashkërendimin ndërinstitucional mes strukturave përgjegjëse.
Sipas vendimit të qeverisë, negociatat do të përqendrohen në:
-ndjekjen në vazhdimësi të zbatimit të rekomandimeve prioritare në luftën kundër kriminalitetit; analizimin e platformave dhe formateve të raportimit; -përmirësimin e mekanizmave të bashkëpunimit dhe shkëmbimit të informacionit ndërmjet institucioneve. Kush është G37 Chambers?
Guernica 37 Chambers është një grup barristerësh dhe ekspertësh të së drejtës ndërkombëtare me seli në Londër, i specializuar në të drejtën penale ndërkombëtare, arbitrazh, ekstradime, rikuperim asetesh dhe çështje të të drejtave të njeriut. Anëtarët e saj kanë përfaqësuar çështje në Gjykatën Penale Ndërkombëtare, Gjykatën Ndërkombëtare të Drejtësisë, Gjykatën Evropiane të të Drejtave të Njeriut, si edhe në Dhomat e Specializuara të Kosovës.
Kompania ka zhvilluar aktivitet në dhjetëra vende të botës, përfshirë Kosovën, Serbinë, Bosnjë-Hercegovinën, Ukrainën, Izraelin, Libinë, Sirinë, Argjentinën dhe Shtetet e Bashkuara.
Normalisht ngrihet pyetja, Ministria e Drejtësisë çfarë pune bën? Pse duhet të harxhohen miliona euro për një kompani kur kjo është punë e vetë Ministrisë së Drejtësisë? Apo fshihet diçka tjetër? /Pamfletirama spak 3 Komente T Tony 15 Korrik 2026, 22:06 Tani ia futi plumbin vehtes. Britaniket jane mosperfilles me probleme ordinere, por me ato me potence jane shume profesionale. Ne se i ka marre Britaniket mendon se do fitoje, duke u nisur me kodoshlleqet e kontratave e pronesise. Do luhet para e madhe per keto pune e pagesen do e kryeje populli. Ne se Britaniket punojne pa hile mjer kulufe e kompani ku do perfjne. Përgjigjjuni E Emigranti 1991 15 Korrik 2026, 22:47 Po diella, do ngrohet ne diell.. Apo e ka harru edhe vetë Edi. Nuk është çudi, i lë çelsat shpesh ky i joni,mbi piano. Përgjigjjuni n noname 16 Korrik 2026, 00:37 po Krollin kur do e marr, po BIG FOUR kur do e marr? Po merr mbrojtjen e tij me kete kompani sepse beteja eshte bere tashme nderkombetare ???? Përgjigjjuni Lini një Përgjigje Anuloje përgjigjen Politike Debati me Kuçanën në Këshill, Berisha: Rezoluta nuk respektonte statutin e PD-së 15 Korrik 2026, 21:4121:41Politike Presidenti Begaj nga Kievi: Shqipëria mbetet e palëkundur në mbështetjen për Ukrainën 15 Korrik 2026, 20:4320:43Politike "Bloomberg": As atletet e bardha nuk e ndihmuan Ramën, Samiti i NATO në Shqipëri në pikëpyetje 15 Korrik 2026, 20:2020:20Politike Zgjerimi i BE, mbyllja e grup-kapitujve me Shqipërinë e përkohshme 15 Korrik 2026, 20:1320:13Politike Pas përplasjes me Berishën në Këshillin Kombëtar, Kuçana: Pa Mulin nuk merr post në PD 15 Korrik 2026, 19:3619:36Politike Nga Sekretari i Përgjithshëm te nënkryetarët dhe sekretariatet, ja emrat që garojnë për kupolën e PD 15 Korrik 2026, 19:0619:06Politike