Kryeministri Edi Rama ka gjetur një tjetër emër të huaj për ta lidhur me protestat në Shqipëri. Këtë herë bëhet fjalë për irlandezin Chay Bowes, komentator dhe korrespondent i televizionit shtetëror rus RT, i cili ka publikuar komente për zhvillimet politike dhe protestat në vendin tonë. Reagimi i Ramës vjen pasi Këshilli i Bashkimit Europian vendosi ta përfshijë Bowes në listën e sanksioneve për aktivitetet destabilizuese të Rusisë. Sipas BE-së, ai ka marrë pjesë në operacione të koordinuara të manipulimit të informacionit dhe ka përhapur narrativa që justifikojnë luftën e Moskës kundër Ukrainës.
Kryeministri ka shpërndarë dy postime të Bowes për protestat në Shqipëri, duke e përdorur vendimin e BE-së si argument për të vënë në pikëpyetje qëllimet e komentatorit irlandez.
“Ja dhe një klloun i propagandës ruse që sot u sanksionua nga Bashkimi Europian pikërisht si klloun i paguar nga Rusia. Po me Shqipërinë pse? Se Shqipëria e teproi me ngjitjen e saj lart dhe afrimin e shpejtë te objektivi historik: Anëtarësimi në Bashkimin Europian”, shkruan Rama. Ja dhe një klloun i propagandës ruse që sot u sanksionua nga Bashkimi Europian pikërisht si klloun i paguar nga Rusia🤡 Po me Shqipërinë pse? Se Shqipëria e teproi me ngjitjen e saj lart dhe afrimin e shpejtë te objektivi historik: Anëtarësimi në Bashkimin Europian🇦🇱🦅🇪🇺
— Edi Rama (@ediramaal) November 16, 2026 Kështu, kryeministri i shton edhe një emër tjetër narrativës së tij për ndikimin e faktorëve të huaj në protestat kundër qeverisë, të cilat në reagimet e mëparshme i ka lidhur me financime nga Rusia dhe Irani. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm

