Autoritetet franceze kanë vendosur shtetrrethim gjatë natës, i cili do të hyjë në fuqi nga ora 23:00 deri në orën 06:00 lokale, në zonën e Place de la République dhe në rrugët përreth Les Halles në Paris. Masa do të zbatohet për tri kategori personash: të miturit e pashoqëruar, personat që mbajnë pajisje mbrojtëse dhe ata që fshehin fytyrën. LEXO edhe...Protestat e dhunshme/ Eksperti Basha: Dyshohet se i organizon ‘Antifa’, njëjtë si në gjithë Europën! S’duhet t’i lëmë maskat të djegin Shqipërinë Më herët, autoritetet vendosën shtetrrethimin e parë, i cili do të zgjasë dy ditë, duke nisur nga e hëna, në qytetin verior të Lilës dhe në qytetet përreth, Douai, Ëattignies dhe Denain. Lajmi vjen pasi kryeministri francez Sébastien Lecornu deklaroi sot se mund të shpallej gjendja e jashtëzakonshme “nëse është e nevojshme”, duke shtuar se vendosja e shtetrrethimit përbënte një zgjidhje më të mirë për krizën e shkaktuar nga protestat e dhunshme. Me gjashtë muaj të mbetur deri në zgjedhjen e presidentit të ardhshëm, Franca u trondit gjatë fundjavës nga disa prej akteve më të rënda të dhunës në rrugë të regjistruara në vend prej vitesh. Trazirat shpërthyen pas disa javësh protestash studentore, gjatë të cilave kërkohej përmirësimi i kushteve në shkolla. “Jam plotësisht i vendosur të rivendos rendin”, deklaroi Lecornu pas një mbledhjeje për menaxhimin e krizës, duke shtuar se nuk e përjashtonte shpalljen e gjendjes së jashtëzakonshme. “Nëse është e nevojshme, do ta bëj. Megjithatë, në kushtet aktuale, çështja e shtetrrethimit dhe zbatimi i tij duket se i përshtaten më mirë situatës me të cilën mund të përballemi”, tha ai. Më herët, ministri i Brendshëm Laurent Nunez pranoi se policia kishte “humbur kontrollin” mbi protestat në disa qytete gjatë fundjavës, ndërsa lëvizja e Jelekëve të Verdhë bëri thirrje për një valë të re protestash të shtunën. Në Francë, shpallja e gjendjes së jashtëzakonshme u jep autoriteteve kompetenca të përkohshme që shkojnë përtej kompetencave të zakonshme të policisë, me qëllim përballimin e një kërcënimi serioz ndaj rendit publik ose sigurisë kombëtare. Masat mund të përfshijnë vendosjen e shtetrrethimit, kufizimin e lëvizjes dhe ndalimin e demonstratave publike. P.J/ReportTv.al france proteste Emmanuel Macron Shtetrrethim Sebastien Lecornu Komento Komente Sondazhi i ditës: A i mbështesni protestat e dhunshme në vend? Po 18.8% Jo 77.9% Disi 3.4% Vota total: 7530 Sondazhi i ditës: A i mbështesni protestat e dhunshme në vend?
