Analisti Agim Baçi, i ftuar në emisionin “Programi i drekës” në News24 me Nisida Tufën, ka komentuar protestën që vijon prej 93 ditësh, duke u ndalur te ndikimi i saj në politikë dhe reagimi i opozitës. Baçi tha se protesta, pavarësisht numrit të pjesëmarrësve, ka arritur qëllimin e saj kryesor, pasi ka nxjerrë në pah problematikat dhe shqetësimet e qytetarëve. Sipas tij, tubimet kanë ndikuar edhe në mënyrën se si zhvillohet debati politik, duke krijuar presion si ndaj qeverisë, ashtu edhe ndaj opozitës. “Protesta ia ka shtuar pikëpyetjet shoqërisë shqiptare. Qytetarët kanë ngritur problemet e tyre dhe kanë shtruar një seri problematikash”, u shpreh Baçi. Megjithatë, analisti e sheh situatën më problematike për opozitën. Ai argumentoi se, pas më shumë se një dekade të qeverisjes së socialistëve, opozita nuk po arrin të shndërrohet në një alternativë bindëse për qytetarët. Sipas Baçit, fakti që një pjesë e qytetarëve e shohin opozitën me të njëjtin mosbesim si qeverinë përbën një problem serioz për partitë opozitare. Baçi kritikoi veçanërisht Partinë Demokratike dhe partitë e tjera opozitare për mënyrën se si po reagojnë ndaj protestës. Ai tha se thirrjet e qytetarëve duhet të kishin sjellë një reflektim të thellë brenda opozitës dhe se ajo duhet të kishte ndërmarrë hapa konkretë për t’u kthyer në një alternativë politike. Sipas analistit, opozita duhet të kuptojë se protesta nuk është vetëm një përballje mes qytetarëve dhe qeverisë, por se një pjesë e mesazhit të saj i drejtohet edhe vetë opozitës. Ai theksoi se asnjë takim apo mbështetje nga aktorë të huaj nuk mund të zëvendësojë nevojën për të kuptuar atë që po ndodh në shesh. “Jo sot që po bëhen 93 ditë, por protesta ia shtoi pikëpyetjet shoqërisë shqiptare. Qytetarët ngritën problemet e tyre, shtruar një seri problematikash. Mendoj se po ta marrim në prioritet, mendoj se qëllimin e vetë parësor për të ngritur shqetësime, ia ka arritur. Edhe narrativen e debatit e ka krijuar, pasi pati shqetësime të qeveria dhe opozita. Nuk e shoh zgjidhen te fakti a do të ketë më shumë apo më pak në protestë, por se si do të reagojnë palët. Ata që kanë denoncuar qeverinë, janë aty. Kontestimi është më i rëndë për opozitën, që edhe pse nuk është 13 vite në pushtet, ka mosbesim nga qytetarët, si qeveria. Por nuk do që të lexojë këtë reagim. Gjëja e parë që vuri në vështirësi të madhe ishte opozita. Kur opozita prej 13 vitesh barazohet me pushtetin, është humbje e madhe për opozitën. Për fat të keq opozita edhe pse pas 3 muajsh protestë dhe thirrjesh, opozita nuk i lexon. PD dhe partitë e tjera opozitare nuk kanë bërë lëvizjet e duhura. Ata e shohin sikur protesta ka të bëjë vetëm me qeverinë dhe jo me opozitën. Siç janë reagimet e Berishës. Opozita nuk po kthehet dot në alternativë. Një opozitë, gjëja e parë që duhet të bënte, kur bëheshin thirrje dh epër të si kundër qeverisë duhej të ishin mbledhur, të bëhej tërmet te PD. Ata e lexojnë, e shohin. Në ccdo koment që ata bëjnë, ata kanë thirrje të qytetarëve kundër tyre. Si mundet një opozitë që nuk bën sondazhe, mos të lexojë reagimin e qytetarëve. Opozita ka dështuar në misionin e saj kryesor, të bëhet menaxhere e reagimit të qytetarëve. Asnjë vizitë apo ftesë që të bëjë Berisha, ta presë dhe Trump, nuk e zhbën atë që ndodh në shesh. Duhet të ketë reagim, qasje me atë çka po ndodh në protestë. Qeveria është krenuar me këto arrestime. Në këto lloj raporti Rama ka thënë; unë jam pro. Duke pasur dhe shansin e madh që opozita është kundër SPAK-ur, Rama thotë; unë e lejoj. Qeveria me këtë format politik që kemi thotë; unë lejoj arrestimet. Pra nuk ka të fortë. Në rastin tjetër është një reagim, ku ka paralajmëruar ndryshime, ka bërë këto takime. Rama do të tentojë që të bëje këto ndryshime me këtë mundësi që ka se nuk ka alternativë të fortë përballë. Ndaj se ka këtë shqetësim dhe ka nisur një proces të vetërregullimit qeverisës. Ato që mund të jenë problemi, mund të mos jenë zgjidhja e problemit. Ai e ka pranuar që njerëzit janë të zemëruar me qeverinë, por ka këtë komoditet, e bën luftën pa kundërshtarë politikë. Rama nuk ndihet i rrezikuar nga partitë. Berisha, Lapaj apo Shehaj, duhet të lënë mënjanë egoizmin e tyre dhe të propozojnë një emër tjetër për kryeministër, Rama e ka të lehtë që të ndërtojnë dhe reagojë brenda narrativës së tij. Nuk shoh zgjidhje vetëm me këtë protestë, po nuk iu bashkua politika. Mund të shkojmë te skenari i Serbisë, që vijoi prej 1 viti protestë. Qytetarët janë aty pasi mungon besimi në politikë. Nuk kemi dhe nuk duhet të jemi ne ata që t’i themi Berishës; ik. Por nëse lideri i PD do që partia e tij të bëhet fitues, ai duhet të largohet. Në demokraci ka mazhorancë dhe opozitë. Opozita është institucioni i shpresës, ka rënë. Ka rënë institucioni i shpresës. Një propozim për një emër që mund ti bënte bashkë politikën do të ishte zgjidhje. Unë mendoj se PD është më e madhe se Berisha. Parlamenti nuk është ndërmarrje, që shkon vetëm për të marrë rrogën. Shpresa i mban gjallë për rrotacion njerëzit që të bëjnë akuza, denoncime. Kur nuk ka shpresë, ti rrezikon që qytetarët të jenë më dekurajuar.”, tha ai. Po ashtu Baçi komentoi dhe thirrjet kundër Berishës, se fati i tij politik është burgu. “Ishte për jetë a vdekje. Po ta kishte refuzuar, do të kishte firmosur PD nga vdekja politike, por nuk shpëtoi vetëveten. Ishte gabim fatal refuzimi. Nuk mund ta refuzojë protestën opozita. Në ditët e para u gjetën të papërgatitur. Kthesa që bëri Berisha ishte spektakël politik. Ai prodhoi politikë. Vuri PD në shinën e duhur, pro protestës. Kur ke ato thirrjet kundër teje, sikur ke marrë ti vendime, do mblidhesha dhe do thoja; ca do bëjmë. Ndje keqardhje që ata që kanë zë të fortë, nuk reagojnë në mbledhjet e PD. Se di këtë zërin e ruajnë për një vend pune, apo si. Kur heshtin përballë një gjëje të tillë, dhe fshihen si struci. Lapaj dhe Qori gabuan që nuk u bashkuan dhe nuk u bën poli i tretë. Ata janë pjesë e protestës, por duhet të kishin reaguar më fort. Të pranonin; po ne gabuam, por hajde të gjejmë një zgjidhe. Të kritikosh protestuesit, nuk është e drejtë.”, tha ai. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: agim baci
