Gjeografia, njerëzit dhe perspektivat e reja që sjell Rruga e Arbërit e bëjnë të pajustifikueshme çdo diskutim për shkrirjen e këtij institucioni vendimmarrës. Bashkia e Klosit mbart potenciale të jashtëzakonshme dhe gëzon një pozicion gjeografik të tillë që e bën të pazëvendësueshme si njësi e qeverisjes vendore. Ajo përfaqëson një trekëndësh strategjik dhe të rëndësishëm gjeografik, që lidh Matin, Mirditën dhe, tashmë në një distancë shumë më të afërt, kryeqytetin, Tiranën. Hapja e Rrugës së Arbërit ka shënuar një kthesë historike, duke i hapur perspektiva të gjera zhvillimit të turizmit, ekonomisë dhe jo vetëm. Ky aks i rëndësishëm infrastrukturor e ka nxjerrë Klosin nga izolimi i dikurshëm, duke e shndërruar në një nyje lidhëse dhe një destinacion me interes të lartë zhvillimi. Përtej çdo bindjeje apo përkatësie politike, stafi aktual i Bashkisë së Klosit përbën një nga vlerat e tij më të çmuara. Ky ekip renditet ndër më të kualifikuarit në krahasim me shumë bashki të tjera në rang vendi. Kryesisht të rinj e të reja, ata kanë një lidhje të fortë, autentike dhe shpirtërore me territorin dhe vendin e tyre, duke dëshmuar përkushtim të lartë në çdo sfidë administrative. Kjo punë e palodhur dhe ky profesionalizëm janë reflektuar qartë edhe në shifra. Performanca e Bashkisë së Klosit në nivel kombëtar e ka renditur atë në vendin e 12, një arritje domethënëse që tregon efikasitet dhe seriozitet në menaxhimin e punëve publike. LEXO edhe...Harta e re territoriale/ Këshilli i Libohovës e i Klosit kundër shkrirjes së bashkive! Punonjësit e Rrogozhinës në protestë! Qytetarët në Patos: Cenohet identiteti Bashkia e Klosit nuk është mbyllur vetëm në kufijtë lokalë. Falë angazhimit të kryetares së Këshillit Bashkiak, kryebashkiakut dhe anëtarëve të Këshillit, institucioni është përpjekur t'i japë vetes një dimension ndërkombëtar. Një dëshmi e qartë e kësaj qasjeje ishte takimi i zhvilluar me përfaqësues të Komunës së Loanos në Itali, ku u shkëmbyen eksperienca të vlefshme dhe u diskutuan mundësi reale për bashkëpunim reciprok në fusha me interes të përbashkët. Këto nisma tregojnë se Klosit nuk i mungon vizioni për të thithur praktikat më të mira evropiane. Për të gjitha këto arsye thelbësore – pozicionin gjeografik, potencialin turistik, performancën e shkëlqyer kombëtare, stafin e kualifikuar dhe hapjen ndërkombëtare – Bashkia e Klosit nuk mund dhe nuk duhet të fshihet me një të rënë të lapsit. Klosit i duhet dhënë hapësira, mbështetja dhe vëmendja e merituar për të vazhduar rrugëtimin e tij drejt zhvillimit të qëndrueshëm. K.M/ReportTv.al reforma territoriale Klos alban daci Komento Komente Sondazhi i ditës: Reforma territoriale, cili opsion ju pëlqen më shumë? 46 bashki (PS) 56.4% 100 bashki (PD) 16.3% 61 bashki (si sot) 27.3% Vota total: 4533 Sondazhi i ditës: Reforma territoriale, cili opsion ju pëlqen më shumë?
