Prokuroria e Posaçme (SPAK) ka dhënë pretencën për 15 të pandehurit e dosjes së bujshme “Plumbi i Artë”, duke kërkuar në total 302 vite burg për personat e akuzuar për një sërë veprash të rënda penale, mes tyre vrasje dhe trafik droge.
Për të penduarin e drejtësisë, Nuredin Dumani, i cili ka bashkëpunuar me organet hetimore duke zbardhur ngjarje të rënda kriminale, SPAK ka kërkuar 10 vite burg. Ndërsa për dy të penduarit e tjerë, Erjon Alibej dhe Skerdi Tase, janë kërkuar përkatësisht 15 dhe 13 vite burg.
Dënimet më të rënda janë kërkuar për Henrik Hoxhajn dhe Petrit Doçin, me nga 35 vite burg secili. Për Besian Xhixhën, Enver Divën dhe Altin Ndocin, prokuroria ka kërkuar nga 25 vite burg.
Nga 20 vite burg janë kërkuar për Asllan Plakun, Agron Doçin, Fatos Gosën dhe Xhulian Hoxhën, ndërsa për Ardian Uzunin dhe Albert Pashajn janë kërkuar nga 15 vite burg.
Pretenca më e ulët është kërkuar për Gentian Sharrën, me 9 vite burg.
Lista e plotë e dënimeve të kërkuara nga SPAK:
Nuredin Dumani – 10 vite burg
Henrik Hoxhaj – 35 vite burg
Skerdi Tase – 13 vite burg
Erjon Alibej – 15 vite burg
Besian Xhixha – 25 vite burg
Enver Diva – 25 vite burg
Xhulian Hoxha – 20 vite burg
Petrit Doçi – 35 vite burg
Agron Doçi – 20 vite burg
Asllan Plaku – 20 vite burg
Altin Ndoci – 25 vite burg
Fatos Gosa – 20 vite burg
Ardian Uzuni – 15 vite burg
Albert Pashaj – 15 vite burg
Gentian Sharra – 9 vite burg
Tashmë pritet që gjykata të shqyrtojë kërkesat e SPAK dhe të marrë vendimin përfundimtar për secilin prej të pandehurve.
Kujtojmë se Nuredin Dumani, Skerdi Tase dhe Erjon Alibej kanë statusin e të penduarit të drejtësisë.