Daçiç, Vuçiç dhe Bernabiç Organizatat i akuzojnë pesë zyrtarët për tejkalim të kompetencave kushtetuese dhe ligjore, keqpërdorim të pozitës zyrtare dhe mospërmbushje të detyrave zyrtare. Sipas tyre, vendimet dhe politikat e ndjekura nga udhëheqja serbe ndaj Kosovës kanë shkaktuar dëme dhe kanë cenuar të drejtat e serbëve që jetojnë në Kosovë... Tri organizata serbe kanë paralajmëruar se do të paraqesin kallëzim penal kundër presidentit Aleksandar Vuçiç dhe katër zyrtarëve të tjerë, të cilët i akuzojnë për tejkalim të kompetencave dhe keqpërdorim të detyrës zyrtare. Organizatat pretendojnë se politika e Beogradit ndaj Kosovës ka dëmtuar interesat dhe të drejtat e komunitetit serb.
Këshilli Kombëtar Serb (SNV), Forumi Kombëtar Serb nga Graçanica dhe lëvizja “Otadžbina” kanë njoftuar se do të dorëzojnë një kallëzim penal në Prokurorinë e Lartë Publike në Beograd kundër presidentit të Serbisë, Aleksandar Vuçiç, ministrit të Jashtëm, Ivica Daçiç, kryetares së Kuvendit, Ana Brnabiç, drejtuesit të së ashtuquajturës Zyrë për Kosovën në Qeverinë e Serbisë, Petar Petkoviç, dhe ish-kryetarit të Listës Serbe, Goran Rakiç.
Sipas portalit serb KoSSev, tri organizatat kanë njoftuar se kallëzimin do ta dorëzojnë të hënën, më 16 nëntor, në orën 11:00, në Pallatin e Drejtësisë në Beograd.
Organizatat i akuzojnë pesë zyrtarët për tejkalim të kompetencave kushtetuese dhe ligjore, keqpërdorim të pozitës zyrtare dhe mospërmbushje të detyrave zyrtare. Sipas tyre, vendimet dhe politikat e ndjekura nga udhëheqja serbe ndaj Kosovës kanë shkaktuar dëme dhe kanë cenuar të drejtat e serbëve që jetojnë në Kosovë.
Përfaqësuesit e organizatave kanë paralajmëruar gjithashtu një konferencë për media, gjatë së cilës pritet të shpjegojnë arsyet dhe përmbajtjen e nismës ligjore.
Mbyllja e institucioneve paralele serbe në qendër të akuzave
Në qendër të pretendimeve të organizatave është politika e Beogradit ndaj Kosovës, veçanërisht mbyllja e institucioneve që kanë funksionuar në territorin e Kosovës sipas sistemit të Republikës së Serbisë.
Autoritetet e Kosovës kanë ndërmarrë një sërë aksionesh që nga fillimi i vitit 2024 për mbylljen e këtyre strukturave, në kuadër të përpjekjeve për të shtrirë zbatimin e ligjeve dhe autoritetin institucional në të gjithë territorin e vendit. Fillimisht, autoritetet mbyllën tri komuna paralele serbe në Pejë, Istog dhe Klinë. Më 30 gusht 2024, ato mbyllën edhe pesë institucione të tjera paralele në veri të Kosovës.
Më 15 janar 2025, aksionet u zgjeruan në dhjetë komuna në jug të lumit Ibër, ku autoritetet mbyllën disa komuna paralele, zyra postare dhe zyra tatimore të Serbisë. Qeveria e Kosovës i ka cilësuar këto struktura si institucione paralele që vepronin jashtë rendit juridik të vendit.
Ministri i atëhershëm i Administrimit të Pushtetit Lokal, Elbert Krasniqi, kishte deklaruar se funksionimi i tyre cenonte kushtetutshmërinë dhe ligjet e Republikës së Kosovës.
Megjithatë, sipas KoSSev, tri organizatat serbe konsiderojnë se përgjegjësia për humbjen e këtyre institucioneve nuk u takon vetëm autoriteteve të Kosovës, por edhe drejtuesve politikë në Beograd.
Vuçiç dhe Daçiç ishin paralajmëruar më herët për kallëzimin
Këshilli Kombëtar Serb kishte paralajmëruar që më 27 tetor përgatitjen e një kallëzimi penal kundër Vuçiçit dhe Daçiçit. Në atë kohë, organizata kishte bërë të ditur se një grup ekspertësh po përgatiste dokumentacionin lidhur me politikat që dy zyrtarët serbë kanë ndjekur ndaj Kosovës gjatë viteve të fundit.
SNV-ja i kishte akuzuar Vuçiçin dhe Daçiçin se, gjatë afro 15 vjetëve të qeverisjes, kishin kontribuar në shuarjen e institucioneve të shumta shtetërore të Serbisë në Kosovë.
“Efekti politik i hapave të tillë antishtetërorë, antiserbë dhe antikushtetues është pothuajse i barabartë me bombardimin e Serbisë në vitin 1999”, kishte deklaruar organizata.
Fillimisht, SNV-ja kishte paralajmëruar se kallëzimin do ta dorëzonte në Prokurorinë për Krimin e Organizuar. Megjithatë, sipas njoftimit të fundit, tri organizatat kanë vendosur t'i drejtohen Prokurorisë së Lartë Publike në Beograd.
Ndërkohë, lista e personave ndaj të cilëve synojnë të paraqesin kallëzim është zgjeruar nga dy në pesë zyrtarë, duke përfshirë edhe Ana Brnabiç, Petar Petkoviç dhe Goran Rakiç.
Organizatat nuk kanë specifikuar ende veprimet konkrete që ia atribuojnë secilit prej pesë zyrtarëve dhe as nuk kanë publikuar përmbajtjen e plotë të kallëzimit penal.serbi akuza Lini një Përgjigje Anuloje përgjigjen Rajoni dhe Bota “Mos i besoni Putinit", Britania paralajmëron Evropën: Të njëjtat garanci dha edhe para pushtimit të Ukrainës 15 Nëntor 2026, 20:4820:48Rajoni dhe Bota Protestë masive në Çeki, mbi 350 mijë qytetarë kundërshtojnë planin e qeverisë për mediat 15 Nëntor 2026, 20:3920:39Rajoni dhe Bota Zelensky: Rusia respekton vetëm forcën, Evropa duhet të bashkohet për t'i dhënë fund luftës 15 Nëntor 2026, 20:3120:31Rajoni dhe Bota Irani godet me dronë dhe kërcënon vendet e Gjirit, Trump zgjedh të presë 15 Nëntor 2026, 20:2120:21Rajoni dhe Bota Mossadi në krizë, shkarkimet dhe strategjia ndaj Iranit shkaktojnë trazira në inteligjencën izraelite 15 Nëntor 2026, 20:0920:09Rajoni dhe Bota Irani sulmon me dronë bazën amerikane në Bahrein, aktivizohen sirenat e alarmit 15 Nëntor 2026, 18:3818:38Rajoni dhe Bota

