Një furgon i mbushur me shtetas sirianë është filmuar në Durrës, duke ngritur një sërë pikëpyetjesh mbi lëvizjen e tyre dhe destinacionin ku po shkojnë.
Pamjet e mbërritura në redaksinë e JOQ tregojnë automjetin me disa persona brenda, ndërsa mbetet e paqartë se nga janë nisur, ku po shkojnë dhe për çfarë arsye ndodhen në qytetin bregdetar.
A janë nisur drejt një qyteti tjetër të Shqipërisë, po udhëtojnë drejt kufirit apo kanë si destinacion një shtet tjetër? Kush e ka organizuar transportin e tyre dhe a bëhet fjalë për një udhëtim të zakonshëm apo për një lëvizje të koordinuar?
Durrësi është një nga pikat e rëndësishme të lëvizjes së njerëzve në vend, por në këtë rast mungojnë ende të dhënat që do të sqaronin rrethanat e udhëtimit të personave që shfaqen në furgon.
Kush janë personat që ndodhen brenda automjetit, nga vijnë dhe ku po i çon furgoni? A ka një destinacion të përcaktuar apo ky është vetëm një ndalesë gjatë rrugës së tyre?