Pas disa orësh qëndresë përpara Ministrisë së Arsimit, protestuesit kanë nisur marshimin, duke u ndarë në dy grupe. Një pjesë e tyre po marshon drejt qendrës së qytetit, ndërsa pjesa tjetër në drejtim të bulevardit “Dëshmorët e Kombit”, pranë Kryeministrisë. Siç shihet edhe në pamje, protestuesit brohorasin në kor thirrjet: “Policia e krimit” dhe “Rama, jep dorëheqjen!”. Ndërkohë, edhe forcat e policisë po lëvizin në drejtim të Kryeministrisë, ku po marrin masa për të përballuar situatën në rast të përplasjeve të tjera.
