Himara u përfshi nga flakë të fuqishme mbrëmjen e kësaj të premteje, duke krijuar një situatë alarmante pranë zonave të banuara. Era e fortë favorizon përhapjen e zjarrit, ndërsa dy banesa raportohet se janë përfshirë nga flakët dhe dhjetëra të tjera janë në rrezik. Policia ka bllokuar bypass-in e Himarës, ndërsa forcat zjarrfikëse dhe strukturat e emergjencës vijojnë betejën për vënien nën kontroll të flakëve. Një situatë që ngjan me skenar apokaliptik po përjetohet mbrëmjen e kësaj të premteje në Himarë. Flakët e zjarrit kanë përfshirë një sipërfaqe të konsiderueshme dhe janë përhapur me shpejtësi, duke krijuar një panoramë alarmante pranë zonave të banuara.
Zjarri është favorizuar ndjeshëm nga era e fortë, e cila po shtyn flakët drejt banesave dhe strukturave hoteliere. Gjuhët e zjarrit shihen mbi ndërtesat shumëkatëshe, ndërsa tymi ka mbuluar një pjesë të zonës. Situata është rënduar edhe më tej pasi dy banesa raportohet se janë përfshirë nga flakët, ndërsa dhjetëra të tjera ndodhen në rrezik. Banorët dhe pushuesit në zonat e prekura janë përballur me një situatë të pazakontë, ndërsa ekipet e emergjencës po luftojnë për të frenuar përhapjen e zjarrit.
Për shkak të rrezikut të krijuar, Policia ka bllokuar bypass-in e Himarës. Qarkullimi në këtë aks lejohet vetëm për mjetet e emergjencës dhe automjetet që janë angazhuar në operacionin për shuarjen e flakëve.
Në terren vijojnë të jenë forcat zjarrfikëse dhe strukturat e emergjencës, të cilat po përpiqen të izolojnë vatrat dhe të mbrojnë zonat e banuara. Era e fortë mbetet një prej faktorëve kryesorë që po vështirëson ndërhyrjen dhe po favorizon përhapjen e flakëve.
Situata mbetet kritike dhe dinamike, ndërsa autoritetet u kanë bërë thirrje banorëve që të ndjekin me përpikëri udhëzimet e ekipeve të emergjencës dhe të largohen nga zonat e rrezikuara në rast evakuimi.
Himara vijon të jetë nën alarm, ndërsa operacioni për shuarjen e zjarrit dhe mbrojtjen e banesave vazhdon gjatë gjithë mbrëmjes. Lini një Përgjigje Anuloje përgjigjen Aktualitet Zjarret në disa qarqe, Ermal Nufi jep alarmin nga Fieri: Sot, dita më e vështirë e sezonit 4 Shtator 2026, 23:3723:37Aktualitet Himara nën flakë/ Zjarri zbret në Potam, evakuohen banorë e turistë; flakët pranë hoteleve 4 Shtator 2026, 23:0423:04Aktualitet Shteti dështon në Himarë, Tavo u kërkon banorëve të braktisin 'shtëpi e katandi' dhe të ikin 4 Shtator 2026, 22:5522:55Aktualitet Video/ Pamje dramatike nga Himara, momenti kur banesa shkrumbohet totalisht 4 Shtator 2026, 22:4722:47Aktualitet Natë ferri në Himarë/ Digjen dy banesa dhe rrezikohen rreth 40 të tjera, thirrje urgjente për evakuim 4 Shtator 2026, 22:2322:23Aktualitet Zjarri në Fier prek linjat e tensionit të lartë, OSSH stakon energjinë në disa zona 4 Shtator 2026, 22:1822:18Aktualitet