Gjatë ditës së 106-të të protestës kundër qeverisë, disa protestues kanë pikasur ish-zëvendëskryeministren Belinda Balluku teksa po shoqërohej nga një grua dhe po i drejtohej automjetit të saj.
Protestuesit e kanë ndjekur për disa metra, duke iu drejtuar Ballukut me thirrje në kor.
“O hajdute!”, “Rama në burg, Belinda në burg!”, dëgjohen të brohorasin protestuesit në pamjet e publikuara në rrjetet sociale, ndërsa në një moment i drejtohen edhe me thirrjen: “O hajdute, te cila vilë do të shkosh?”.
Situata zgjat për pak çaste, ndërsa Balluku vijon drejt automjetit të saj e shoqëruar nga gruaja tjetër. Në momentin që makina largohet, protestuesit reagojnë sërish me brohoritje.
Përplasja verbale ndodhi gjatë ditës së 106-të të protestës, ku qytetarët vijuan marshimin në rrugët e Tiranës dhe përsëritën thirrjet kundër qeverisë dhe figurave të saj. Raportimet nga protesta konfirmojnë se “Rama në burg, Belinda në burg” ishte ndër thirrjet e dëgjuara gjatë mbrëmjes. View this post on Instagram A post shared by JOQ Albania (@joqalbania)