Një 14-vjeçar raportohet se është përplasur nga një motoçikletë në fshatin Shalës, në Bashkinë Cërrik. Sipas informacioneve paraprake, i mituri, nxënës i shkollës 9-vjeçare të zonës, ka marrë dëmtime në trup dhe është transportuar për ndihmë mjekësore. Deri më tani dyshohet se drejtuesi i motoçikletës po qarkullonte me shpejtësi në momentin e përplasjes. Policia ka nisur hetimet për të dokumentuar rrethanat e aksidentit dhe për të përcaktuar shkaqet dhe përgjegjësitë.
