Sekretari amerikan i Shtetit, Marco Rubio Sipas raportimit të The Independent, Rubio, i cili mban gjithashtu detyrën e këshilltarit të sigurisë kombëtare në Shtëpinë e Bardhë, mund të përballet me zëvendëspresidentin J.D. Vance në garën për nominimin e Partisë Republikane... Sekretari amerikan i Shtetit, Marco Rubio, po shqyrton mundësinë e largimit nga administrata e presidentit Donald Trump, ndërsa në qarqet republikane shtohen diskutimet për një kandidim të mundshëm të tij në zgjedhjet presidenciale të vitit 2028.
Sipas raportimit të The Independent, Rubio, i cili mban gjithashtu detyrën e këshilltarit të sigurisë kombëtare në Shtëpinë e Bardhë, mund të përballet me zëvendëspresidentin J.D. Vance në garën për nominimin e Partisë Republikane.
Gazeta shkruan se drejtues të Partisë Republikane dhe zyrtarë të lartë të qeverisë britanike kishin diskutuar mundësinë e largimit të Rubios nga administrata Trump që përpara zgjedhjeve të mesit të mandatit.
Sipas burimeve të cituara, humbjet e republikanëve në Dhomën e Përfaqësuesve dhe në Senat kanë shtuar diskutimet për ndryshime në administratën amerikane. Rubio përmendet si një nga pesë anëtarët e kabinetit që mund të shqyrtojnë largimin nga detyra.
Një person i afërt me sekretarin amerikan të Shtetit i ka deklaruar The Independent se Rubio duhet të distancohet nga politika e administratës Trump lidhur me luftën në Iran, nëse synon të ndërtojë një kandidaturë presidenciale.
Sipas këtij burimi, largimi nga qeveria do t'i krijonte Rubios mundësinë të përcaktonte një profil politik më të pavarur përpara garës së ardhshme brenda Partisë Republikane.
Burimi ka argumentuar gjithashtu se vazhdimi i detyrës si sekretar shteti dhe lidhja e ngushtë me administratën aktuale mund të ndikojnë negativisht në ambiciet presidenciale të Rubios.
"Tani për tani, Rubio është favoriti për nominimin republikan. Ai është qartësisht përpara Vance. Megjithatë, ai nuk mund të kandidojë për president për sa kohë që mbetet sekretar shteti dhe lidhja e tij me qeverinë do t'i dëmtonte shanset e tij gjithsesi", i tha i njëjti burim gazetës Independent.
Diskutimet për të ardhmen politike të sekretarit amerikan të Shtetit vijnë në një periudhë kur brenda Partisë Republikane po shqyrtohen skenarët për zgjedhjet presidenciale të vitit 2028.rubio sekretari Lini një Përgjigje Anuloje përgjigjen Rajoni dhe Bota Trump shuan zërat për shkarkimin e Hegseth: Nuk kam ndërmend ta largoj! 5 Nëntor 2026, 15:5115:51Rajoni dhe Bota Trump humbi zgjedhjet, Izraeli distancohet nga lufta në Iran: Vendimin e mori Uashingtoni, jo ne! 5 Nëntor 2026, 15:2915:29Rajoni dhe Bota Erdogan kërkon të bëjë bashkë Putinin dhe Zelenskyn në Turqi: Po punojmë për t’i dhënë fund luftës në Ukrainë 5 Nëntor 2026, 14:5314:53Rajoni dhe Bota Britania përjashton Putinin nga samiti i G20, Burnham: Nuk do të ftohet! 5 Nëntor 2026, 14:2114:21Rajoni dhe Bota E rëndë në Gjermani, ministri i Ekonomisë gjendet i vdekur në dhomën e hotelit në Berlin 5 Nëntor 2026, 14:1414:14Rajoni dhe Bota Kush do të jetë kryeministër i Izraelit? Presidenti Herzog fillon konsultimet me partitë politike 5 Nëntor 2026, 13:5813:58Rajoni dhe Bota