Një emër që deri pak ditë më parë njihej vetëm në rrethin e ngushtë të Donald Trump është kthyer papritur në qendër të vëmendjes. Natalie Harp, ndihmësja që e shoqëron presidentin pothuajse kudo, rezulton se ka qenë një nga mbështetëset më të zëshme të Trump gjatë 6 janarit 2021, ditës së sulmit ndaj Kapitolit. Një hetim i CNN ka rikthyer në vëmendje postimet e saj të asaj dite, ndërsa historia e saj tregon se si një mbështetëse fanatike u bë një nga njerëzit më të afërt të presidentit amerikan. Për shumicën e publikut, emri i Natalie Harp nuk thoshte shumë deri pak ditë më parë. Ajo nuk mban poste politike të profilit të lartë, nuk del shpesh para kamerave dhe rrallëherë është bërë pjesë e debatit publik. Megjithatë, brenda rrethit të Donald Trump konsiderohet prej kohësh një nga njerëzit më të besuar të presidentit amerikan. LEXO edhe...SHBA pezulloi përpunimin e vizave të emigrantëve për 75 vende, përfshi Shqipërinë e Kosovën! Gjykata Federale rrëzon vendimin e Trump Interesi për të u rrit pasi senatori demokrat Jon Ossoff e përmendi me emër në një fjalim kundër Trump, ndërsa më pas media amerikane publikoi materiale që hedhin dritë mbi mënyrën se si Harp ndërtoi marrëdhënien e saj me presidentin. Një nga zbulimet më të rëndësishme vjen nga CNN, që ka analizuar aktivitetin e saj në Twitter, sot X, gjatë 6 janarit 2021, ditës kur mbështetësit e Trump sulmuan Kapitolin amerikan. Mbi 150 postime në një ditë Sipas CNN, Natalie Harp publikoi më shumë se 150 postime vetëm më 6 janar 2021. Harp’s devotion is hardly unusual in Trump’s inner circle: The president Që në mëngjes, ndërsa mbështetësit e Trump po mblidheshin në Uashington për tubimin e presidentit, ajo u bë një nga zërat më aktivë në rrjetet sociale. Në postimet e saj u bënte thirrje republikanëve të "luftonin për Trump", përsëriste pretendimet e presidentit se zgjedhjet ishin vjedhur dhe shpërndante mesazhet e aleatëve të tij që kundërshtonin fitoren e Joe Biden. Në atë kohë Harp ishte prezantuese në One America News Network, një televizion i njohur për qëndrimet pro Trump, ndërsa në profilin e saj në Twitter shkruante se ishte pjesë e "advisory board" të Trump. Ajo shpërndau deklarata të familjarëve të presidentit, mes tyre mesazhe si: "Kjo lëvizje nuk do të vdesë kurrë" dhe "Kjo luftë sapo ka filluar". "Patriotët" dhe thirrjet për të mos u dorëzuar Teksa turma po mblidhej pranë Shtëpisë së Bardhë, Harp i quante pjesëmarrësit "patriotë" dhe u kërkonte ligjvënësve republikanë të tregonin "qoftë edhe një pjesë të guximit dhe pasionit" të tyre. Në një tjetër postim shkruante: "Sot e ndalim vjedhjen e zgjedhjeve." Ajo promovoi edhe deklaratën e Rudy Giuliani-t, i cili gjatë fjalimit të tij përdori shprehjen "le të kemi gjyq me betejë". Më vonë, avokatët e Giuliani-t do të argumentonin se ajo deklaratë ishte hiperbolike dhe nuk përbënte thirrje për dhunë. Kur Trump nisi fjalimin e tij, Harp publikoi disa herë rresht mesazhin "FIGHT FOR TRUMP!", ndërsa shtonte se "Sot Uashingtoni është vendi i Trump." Gjatë gjithë fjalimit ajo vazhdoi të postonte në kohë reale, duke përsëritur edhe frazat e presidentit, përfshirë: "Ne nuk do të dorëzohemi kurrë. Nuk do të pranojmë humbjen." Çfarë ndodhi pasi turma hyri në Kapitol Kur protestuesit hynë me forcë në Kapitol dhe Kongresi ndërpreu certifikimin e rezultatit zgjedhor, Harp vazhdoi aktivitetin në rrjetet sociale. Ajo shpërndau postime ku pretendohej se personat që kishin hyrë në ndërtesë "nuk ishin mbështetës të Trump", ndërsa publikoi edhe pretendime të rreme se në turmë kishin hyrë aktivistë të Antifa-s. Më vonë ajo shpërndau edhe mesazhin e Trump që u kërkonte protestuesve të largoheshin nga Kapitoli. Megjithatë, disa orë pas sulmit, Harp riktheu sërish në vëmendje deklaratat e Rudy Giuliani-t, i cili thoshte se ndërprerja e procesit të certifikimit kishte krijuar "disa mundësi të tjera" për ekipin ligjor të Trump. Kur Dhoma e Përfaqësuesve hodhi poshtë kundërshtimin ndaj votave të Arizonës, Harp shkroi: "Amerika mund të mos jetë më Amerikë. Por Zoti mbetet Zot. Mos ndaloni së besuari." Kush ishin "patriotët", sipas saj Në postimet e asaj dite, Harp falënderonte me emër disa ligjvënës republikanë që vazhduan të kundërshtonin rezultatin zgjedhor. Ajo e quajti kongresmenin Jody Hice "një njeri të fjalës dhe Kushtetutës", lavdëroi Marjorie Taylor Greene për "guximin" e saj dhe e cilësoi senatorin Josh Hawley si "një patriot të vërtetë". Po ashtu, i quajti "patriotë" edhe gjashtë senatorët republikanë që votuan për të mbështetur kundërshtimet ndaj rezultatit zgjedhor. Një ditë më vonë, pasi Trump pranoi publikisht se një administratë e re do të merrte detyrën, Harp shpërndau mesazhin e tij ku thuhej se "udhëtimi ynë i jashtëzakonshëm sapo ka filluar". Vetëm 14 minuta më vonë ajo shtoi mesazhin e saj: "Ne të duam, President Trump." Besnikëria ndaj Trump nuk nisi më 6 janar Sipas CNN, postimet e Harp tregojnë se mbështetja e saj për Trump kishte nisur vite më herët. Ajo rezulton se publikonte vazhdimisht mesazhe në favor të tij që prej vitit 2016. Edhe gjatë procedurës së parë për shkarkimin e Trump në vitin 2019, Harp postoi vargje nga Bibla në mbështetje të presidentit. Në një prej tyre shkruante: "O Zot, mbroje Donald Trump dhe mbro çështjen e tij kundër një kombi të pabesë." Nga prezantuese televizive në njeriun më të afërt të presidentit Pas largimit të Trump nga Shtëpia e Bardhë, Harp iu bashkua ekipit të tij dhe gradualisht u kthye në një nga bashkëpunëtoret më të afërta. Edhe pse nuk kishte një rol zyrtar në fushatën presidenciale, ajo e shoqëronte pothuajse në çdo aktivitet. Sipas CNN, puna e saj ishte të printonte artikuj pozitivë për Trump, t'i sillte postime nga rrjetet sociale, t'i përcillte mesazhe nga aleatët dhe të përgatiste postimet për Truth Social. Pikërisht për këtë arsye, njerëzit pranë Trump nisën ta quanin "printeri njerëzor". Një ligjvënës republikan i tha CNN se, edhe kur kontaktonte drejtpërdrejt Trumpin, sigurohej gjithmonë që Natalie Harp të ishte në dijeni. "Ajo përgjigjet gjithmonë. Nuk e di si ia del", citohet të ketë thënë ai. Episodi që tregoi sa larg shkonte për Trump Një nga episodet më të pazakonta ndodhi në tetor të vitit 2023. Trump po nisej drejt një gjykate në Nju Jork për një nga proceset e tij gjyqësore, por në autokolonë nuk kishte vend për Harp. Sipas burimeve të CNN, ajo këmbënguli se vetë Trump kishte kërkuar praninë e saj. Kur nuk iu gjet një vend në automjete, Harp hipi në bagazhin e një SUV-je për të mos mbetur pas. CNN thotë se disponon edhe një fotografi që e konfirmon episodin. Për njerëzit që e njohin mënyrën se si funksionon ekipi i Trump, kjo ngjarje u konsiderua si shembulli më i qartë i përkushtimit të saj ndaj presidentit. Prania e saj ka krijuar edhe pakënaqësi Burime të CNN thonë se prania e vazhdueshme e Harp pranë Trump nuk është pritur gjithmonë mirë nga stafi i Shtëpisë së Bardhë. Ajo është shpesh e pranishme në takime, udhëtime dhe aktivitete ku marrin pjesë vetëm bashkëpunëtorët më të afërt të presidentit. Disa këshilltarë kanë shprehur bezdi, pasi kanë dashur të zhvillojnë takime private me Trump, por kanë gjetur edhe Harp në sallë. Sipas burimeve, ajo u ka thënë edhe kolegëve se raporton vetëm te Trump dhe jo te zinxhiri i zakonshëm komandues në Shtëpinë e Bardhë. Nga ana tjetër, një zyrtar i Shtëpisë së Bardhë i tha CNN se Harp bashkëpunon normalisht me kolegët dhe ndihmon në koordinimin e deklaratave dhe shpërndarjen e informacionit. Zëdhënësi i Shtëpisë së Bardhë, Davis Ingle, e përshkroi atë si "një nga ndihmëset më besnike dhe më punëtore në ekipin e Presidentit Trump". Sipas një personi të njohur me marrëdhënien mes tyre, lidhja mes Trump dhe Harp është më shumë si ajo mes "babait dhe vajzës". U.D/ReportTv.al donald trump Natalie Harp SHBA Shtepia e Bardhe cnn Komento Komente Sondazhi i ditës: Si po menaxhohet situata me zjarret? Mirë 71.6% Keq 21.6% Nuk e di 6.8% Vota total: 74 Sondazhi i ditës: Si po menaxhohet situata me zjarret?
