Foto Pamfleti / Fitorja e studentëve tregoi se një regjim i betonuar rrëzohet duke bashkuar opozitën, profesionistët dhe mbështetjen perëndimore. Shqipërisë i duhet e njëjta rrugë, larg kastës së vjetër dhe ndikimeve lindore. Fitorja e thellë e Listës Studentore në Serbi përbën një zhvillim politik me disa përmasa. Ajo largoi Aleksandar Vuçiçin dhe partinë-shtet që ai ndërtoi duke lidhur fijet e pushtetit me krimin e organizuar.
Vota largoi gjithashtu mbeturinat e fundit të regjimit të Sllobodan Millosheviçit, përfshirë socialistët e Ivica Daçiçit dhe trashëgimtarët politikë të së majtës së Mira Markoviçit.
Përfaqësuesit e hungarezëve të Vojvodinës dhe shqiptarëve të Luginës së Preshevës nuk kushtëzojnë shumicën me numrat e tyre. Megjithatë, rezultati i ri politik i nxjerr më të ekspozuar përballë pushtetit dhe opozitës së re.
Qeverisja e re në Beograd do të përballet me disa sfida. Ende nuk dihet se çfarë qëndrimi do të mbajë ndaj shqiptarëve dhe çështjeve të pazgjidhura në rajon. Përshëndetja e drejtpërdrejtë e krerëve të Bashkimit Europian për fitoren e opozitës dha një sinjal të qartë politik.
Lëvizja Studentore nuk e mposhti lehtë një sistem të betonuar prej vitesh. Megjithatë, modeli që ndoqi nuk paraqitet i ndërlikuar.
Për dy vjet, ajo mbushi sheshet e Serbisë dhe më pas u formësua si një strukturë e mirëfilltë politike. Lëvizja bashkoi opozitën e vjetër serbe nën një flamur, një kauzë dhe një program të përbashkët. Në thelb, programi nuk ndryshonte shumë nga ai që opozita kishte mbrojtur më parë. Ndryshimi qëndronte te njerëzit, organizimi dhe besimi që krijoi lëvizja.
Gjermania dhe Britania e Madhe i dhanë kësaj lëvizjeje mbështetje të drejtpërdrejtë politike dhe financiare. Mbështetja erdhi vetëm nga një drejtim, nga Perëndimi.
Revolucioni i Flamingove në Shqipëri gëzon gjithashtu mbështetje nga qarqe perëndimore. Megjithatë, brenda tij kanë fituar peshë edhe qarqe lindore që zhvillojnë një përplasje të drejtpërdrejtë me Perëndimin. Ky ndikim krijon një dallim të madh ndërmjet modelit serb dhe lëvizjes shqiptare.
Kreu politik i Listës Studentore, kardiologu 56-vjeçar nga Novi Sadi, Ilija Srdanoviç, e ka paraqitur qartë thelbin e projektit. Lëvizja synoi të rindërtonte klasën politike nga e para, duke larguar figurat e konsumuara dhe duke i zëvendësuar me intelektualë e profesionistë nga fusha të ndryshme të shoqërisë.
Edhe në Shqipëri, siç tregojnë sondazhet, ekziston një shumicë që kërkon largimin e Edi Ramës dhe që mund të shndërrohet në shumicë politike. Opozita e atrofizuar e Sali Berishës dhe segmentet e islamit politik po e mbajnë peng këtë potencial.
Një fitore politike kërkon një proces të plotë organizimi, siç ndodhi në Hungari me Peter Magyarin dhe në Serbi me Lëvizjen Studentore. Koha ekziston, por lëvizja duhet të gjejë njerëzit që do të marrin përsipër ndërtimin e këtij procesi.
Ata duhet të mbështesin pa ekuivok anëtarësimin e Shqipërisë në Bashkimin Europian dhe të forcojnë aleancën me Gjermaninë dhe Perëndimin. Këta faktorë kanë mbështetur nismat për ndryshim politik dhe krijimin e alternativave të reja.
Në Shqipëri, procesi mund të nisë me një objektiv konkret. Forcat që kërkojnë ndryshimin duhet të gjejnë një kandidat të mirë dhe të përbashkët për Tiranën në zgjedhjet vendore. Një fitore në kryeqytet do t’u hapte rrugën zgjedhjeve parlamentare.
Kjo kërkon ngritjen e një procesi të organizuar dhe formësimin e një force politike të paprekur nga ndikimet e kastës së vjetër. Pa këtë kusht, kundërshtarët do ta përçajnë dhe do ta dëmtojnë lehtësisht./Pamfletibeogradi tirana protesta Lini një Përgjigje Anuloje përgjigjen Politike Fundi i epokës së Vuçiçit, “Le Monde”: Serbia përpara një tranzicioni historik, çfarë do të ndodhë me Kosovën? 26 Tetor 2026, 10:1010:10Politike Mblidhet sot Grupi Parlamentar i PS-së, Rama mbërrin në Kryesinë e Kuvendit 26 Tetor 2026, 10:0710:07Politike Dy javë revoltë/ Nuk 'i pinë ujë' karriget e dialogut, Rama shtron 'tavolinën' para Kryeministrisë! 26 Tetor 2026, 07:5807:58Politike Ish-kreu i Dhomës Amerikane: Humbja e Vuçiç, lajm i jashtëzakonshëm për fundin e autokratëve në Ballkan 26 Tetor 2026, 07:3807:38Politike Rama reagon sërish për rastin e Erion Vishkullit, mohon pretendimet e motrës së 28-vjeçarit: Mjekimi është financuar nga shteti 25 Tetor 2026, 17:2917:29Politike “Në protesta është dora e një matufi maniak”, Rama reagon pas plagosjes në sy të 28-vjeçarit 25 Tetor 2026, 13:1313:13Politike