Lajme Zone
Ndryshojnë rregullat për profesionistët e rinj të shëndetësisë, pas praktikës kalojnë direkt në Provimin e Shtetit, ja procedura që hiqet
PolitikëShqiptarja
Ky artikull është pjesë e një historie me 3 burime — Krahaso mbulimin →

Ndryshojnë rregullat për profesionistët e rinj të shëndetësisë, pas praktikës kalojnë direkt në Provimin e Shtetit, ja procedura që hiqet

Me aktin e përbashkët të Ministrisë së Shëndetësisë dhe Ministrisë së Arsimit, profesionistët e shëndetësisë nuk do të duhet t'i nënshtrohen më vlerësimit të ndërmjetëm nga Urdhrat Profesionalë. Nga ndryshimi përfitojnë edhe ata që e kanë përfunduar praktikën dhe janë në pritje të vlerësimit.

Profesionistët e rinj të shëndetësisë do të mund t'i nënshtrohen drejtpërdrejt Provimit të Shtetit sapo të përfjnë praktikën profesionale, pa kaluar më në procedurat e ndërmjetme të vlerësimit nga Urdhrat Profesionalë. Ndryshimi është konfirmuar nga kryeministri Edi Rama, i cili njoftoi se nga sot hyn në fuqi një akt i përbashkët i Ministrisë së Shëndetësisë dhe Mirëqenies Sociale dhe Ministrisë së Arsimit që u firmos nga ministret Mirela Kumbaro dhe Klodiana Spahiu. "Nga sot, përmes një akti të përbashkët të Ministrisë së Shëndetësisë dhe Mirëqenies Sociale dhe Ministrisë së Arsimit, vjen një ndryshim i shumëpritur për profesionistët e shëndetësisë, i cili lehtëson fillimet e tyre në jetën profesionale, ku me përfundimin e praktikës profesionale, ata do të mund t’i nënshtrohen Provimit të Shtetit, duke shmangur procedurat e ndërmjetme të vlerësimit nga Urdhrat Profesionalë" tha Rama. LEXO EDHE:Reforma spitalore, investime për modernizimin e infrastrukturës dhe përmirësimin e shërbimeve! Spahiu në Korçë: Pacienti në qendër të çdo ndërhyrjeje (VIDEO) Sipas Ramës, nga ky vendim do të përfitojnë edhe profesionistët që e kanë përfunduar praktikën profesionale, por që janë ende në pritje të procedurave të vlerësimit. Kryeministri theksoi se masa synon të shmangë përsëritjen e procedurave dhe të lehtësojë nisjen e karrierës për profesionistët e rinj të shëndetësisë, duke ruajtur standardet e cilësisë profesionale. "Me këtë akt lehtësues, nga i cili përfitojnë edhe ata që e kanë përfunduar praktikën, por janë ende në pritje të procedurave të vlerësimit, synojmë të optimizojmë më tej mekanizmat e vlerësimit, duke u mbështetur në garantimin e cilësisë profesionale dhe shmangien e përsëritjeve proceduraleduke nxitur profesionistët e rinj që t’i bashkohen sistemit shëndetësor me integritet e motivim, të kontribuojnë më shpejt dhe me më shumë përgjegjësi në shërbim të qytetarëve" tha Rama. U.D U.D Shqiptarja.com TAG: edi rama Mirela Kumbaro Klodiana Spahiu shendetesia Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:

3 Nëntor, 11:50

Cilin mbështesni në përplasjen politike që u hap? Ramën 47.5% Veliajn 16.5% Asnjërin 36% Vota total: 3167 Votat totale janë unike Sondazhi i ditës: 3 Nëntor, 11:50 Cilin mbështesni në përplasjen politike që u hap?