Mbidoza mund të ketë qenë shkaku i vdekjes së Hayden Panettiere. Sipas ekstraktit të një telefonate në numrin amerikan të urgjencës, ndihmësit e shpejtë ndërhynë të dielën në një apartament në Greenville, Karolina e Jugut, pikërisht për një rast mbidoze. Panettiere, e cila më 21 gusht do të festonte 37-vjetorin, një ditë para vdekjes kishte udhëtuar me avion nga Los Angeles drejt Karolinës së Jugut, së bashku me partnerin e saj Brian Hickerson. Me të kishte pasur që prej vitit 2018 një marrëdhënie të trazuar, të karakterizuar nga ndarje dhe pajtime. Në vitin 2021, Hickerson madje ishte dënuar me 45 ditë burg pasi e kishte goditur në fytyrë. LEXO edhe...Trump publikon hartën e Ngushticës së Hormuzit në rrjetet sociale: Territor i ri i SHBA-së! Në një deklaratë, departamenti i policisë së qytetit shpjegoi se Panettiere u shpall e vdekur në vendngjarje dhe se në apartament nuk u gjetën shenja se kishte ndodhur një vrasje. Edhe rezultatet e para të autopsisë, të bëra publike nga Mike Ellis, nga zyra e mjekut ligjor të kontesë Greenville, konfirmojnë se nuk janë gjetur shenja traume. Raporti i plotë pritet të publikohet pas dy muajsh. Sipas People, ndihmësit e shpejtë i konfirmojnë operatorit se kishin ndërhyrë për mbidozë dhe arrest kardiak në atë adresë rreth orës dy të pasdites të së dielës. Ata kishin tentuar të reanimonin një grua pa ndjenja, por pa sukses. Shërbimet e emergjencës u njoftuan nga një person i afërt me aktoren. P.J/ReportTv.al hayden panettiere SHBA Komento Komente Sondazhi i ditës: Cili është shkaku i konflikteve në Shqipëri? Politika 57.8% Shoqëria 25.7% Social media 16.5% Vota total: 3158 Sondazhi i ditës: Cili është shkaku i konflikteve në Shqipëri?
