12 MINUTA ME PARE Protestuesit ndahen në dy grupe, një pjesë mbetet në Bulevard, turma tjetër marshon drejt Bankës së Shqipërisë Zhvillime të reja në ditën e gjashtë të revoltës kundër qeverisë Rama. Pas përplasjeve me policinë dhe ndërhyrjes me ujëhedhëse e gaz lotsjellës, demonstruesit janë zhvendosur në dy drejtime të ndryshme të qendrës së Tiranës.
Protesta kundër qeverisë së Edi Ramës ka marrë një tjetër zhvillim në qendër të Tiranës, ku turma e demonstruesve është ndarë në dy grupe pas përplasjeve të ashpra me forcat e policisë në Bulevardin “Dëshmorët e Kombit”.
Një pjesë e protestuesve vijon të qëndrojë në fund të bulevardit, ndërsa grupi tjetër ka nisur të marshojë sërish drejt zonës së Muzeut Historik Kombëtar, në afërsi të Bankës së Shqipërisë. Lëvizja vjen pas ndërhyrjes së policisë me tre automjete ujëhedhëse dhe gaz lotsjellës, përmes së cilës forcat e rendit kanë shtyrë turmën nga pozicionet e mëparshme në bulevard.
Ndarja e protestuesve ka krijuar dy pika të veçanta grumbullimi në qendër të kryeqytetit. Ndërsa një grup mbetet në zonën e bulevardit, pjesa tjetër po zhvendoset drejt Muzeut Kombëtar, duke e shtrirë sërish protestën në një tjetër aks të rëndësishëm të Tiranës.
Gjatë orëve të fundit, përplasjet mes demonstruesve dhe policisë janë shoqëruar me përdorimin e ujit me presion dhe gazit lotsjellës nga forcat e rendit. Protestuesit kanë rrokullisur gjithashtu blloqe betoni në drejtim të policisë.
Pavarësisht ndërhyrjeve dhe zhvendosjes së turmës, demonstruesit po vijojnë protestën në ditën e gjashtë radhazi të përplasjeve, duke mbajtur të pandryshuar kërkesën për dorëheqjen e kryeministrit Edi Rama.
Protesta tashmë po zhvillohet në dy zona të qendrës së Tiranës, ndërsa lëvizja e demonstruesve drejt Muzeut Kombëtar shënon një tjetër zhvendosje të turmës pas ndërhyrjes policore në bulevard. 16 MINUTA ME PARE Përplasjet në bulevard, protestuesit rrokullisin blloqe betoni drejt policisë Bulevardi “Dëshmorët e Kombit” është kthyer sërish në një vatër përplasjesh të ashpra mes protestuesve dhe forcave të policisë, në ditën e gjashtë të revoltës kundër qeverisë së Edi Ramës.
Gjatë përballjes së fundit, protestuesit kanë rrokullisur blloqe të mëdha betoni në drejtim të forcave të rendit, ndërsa policia ka ndërhyrë me automjete ujëhedhëse dhe gaz lotsjellës për të shpërndarë demonstruesit.
Pamjet nga bulevardi tregojnë një automjet të blinduar të policisë që lëshon ujë me presion drejt zonës ku ndodhen protestuesit. Në rrugë shihen blloqe betoni të zhvendosura, ndërsa efektivë të pajisur me skafandra qëndrojnë pranë mjeteve policore.
Situata është përshkallëzuar gjatë operacionit të policisë për largimin e turmës nga bulevardi. Përballë ndërhyrjes me ujë dhe gaz lotsjellës, protestuesit kanë vijuar rezistencën, duke përdorur edhe pengesat e betonit të vendosura në rrugë.
Përplasjet e sotme pasojnë pesë ditë tensionesh në kryeqytet, gjatë të cilave demonstruesit kanë kërkuar vazhdimisht dorëheqjen e kryeministrit Edi Rama.
Ndërhyrja e forcave policore me ujëhedhëse dhe gaz lotsjellës, si dhe përdorimi i blloqeve të betonit nga protestuesit, kanë krijuar një situatë të rrezikshme në një prej akseve kryesore të Tiranës.
Në ditën e gjashtë, protesta kundër Ramës vijon me të njëjtën kërkesë politike për largimin e tij, ndërsa përplasjet mes demonstruesve dhe policisë po vazhdojnë në zemër të kryeqytetit. 18 MINUTA ME PARE Tensione para Kryeministrisë/ FNSH ndërhyn në një lokal pranë Piramidës, klientët pengojnë policët; shoqërohet 1 protestues! Situata para Kryeministrisë është përshkallëzuar, ndërsa policia ka shtuar praninë e forcave të rendit, duke angazhuar edhe Forcat e Ndërhyrjes së Shpejtë (FNSH), pas tensioneve me protestuesit.
Në vijim të ndërhyrjeve, efektivët e FNSH-së kanë hyrë edhe në ambientet e një lokali pranë Piramidës, ku kanë tentuar të shoqërojnë një prej protestuesve.
Megjithatë, ndërhyrja e policisë ka hasur në kundërshtimin e klientëve që ndodheshin në lokal. Këta të fundit kanë ndërhyrë duke penguar shoqërimin e protestuesit, i cili ka arritur të largohet nga efektivët.
Ndërkohë, pak çaste më vonë, forcat e policisë kanë ndaluar një tjetër person që ndodhej në trotuarin e bulevardit, i cili, sipas informacioneve të përcjella, po qëndronte paqësisht në momentin e ndërhyrjes. 20 MINUTA ME PARE Policia aksion të gjerë për largimin e protestuesve, turma zhvendoset pranë Ministrisë së Brendshme Përshkallëzohen përplasjet në ditën e gjashtë të revoltës kundër qeverisë Rama. Forcat e policisë kanë ndërhyrë me tre automjete ujëhedhëse dhe gaz lotsjellës për të larguar demonstruesit nga Bulevardi “Dëshmorët e Kombit”. Policia ka nisur një aksion për shpërndarjen e protestuesve në Bulevardin “Dëshmorët e Kombit”, duke përdorur tre automjete ujëhedhëse dhe gaz lotsjellës kundër turmës së mbledhur në qendër të Tiranës.
Ndërhyrja ka sjellë zhvendosjen e demonstruesve drejt zonës pranë Ministrisë së Brendshme, ndërsa tensionet vijojnë në ditën e gjashtë të protestave kundër qeverisë së Edi Ramës.
Forcat policore po përpiqen të largojnë protestuesit nga bulevardi përmes përdorimit të ujit me presion dhe gazit lotsjellës. Si pasojë e ndërhyrjes, turma është shtyrë nga pozicionet ku ishte grumbulluar më parë dhe është zhvendosur në drejtim të Ministrisë së Brendshme.
Aksioni shënon një tjetër moment përshkallëzimi të situatës në kryeqytet, ku protestat kanë nisur që në orët e paradites dhe janë shoqëruar me përplasje mes demonstruesve dhe forcave të rendit.
Pavarësisht ndërhyrjeve policore të ditëve të fundit, protestuesit kanë vijuar të dalin në rrugë, duke kërkuar dorëheqjen e kryeministrit Edi Rama.
Përdorimi i njëkohshëm i tre ujëhedhëseve dhe gazit lotsjellës tregon përmasat e operacionit policor për të shpërndarë grumbullimin në bulevard. Ndërkohë, zhvendosja e protestuesve drejt Ministrisë së Brendshme e ka çuar përballjen në një tjetër zonë të qendrës së Tiranës.
Në ditën e gjashtë të revoltës, kërkesa politike e demonstruesve mbetet e pandryshuar: largimi i Edi Ramës nga drejtimi i qeverisë. Ndërhyrja e fundit policore ka ndryshuar pozicionin e turmës në kryeqytet, por protestat vijojnë. 40 MINUTA ME PARE Protestuesit zbarkojnë në bulevardin ‘Dëshmorët e Kombit’, studentët mblidhen para Kryeministrisë, policia merr masa të forta sigurie Ka nisur grumbullimi i protestuesve në Bulevardin “Dëshmorët e Kombit”, përpara godinës së Kryeministrisë, ku një numër i madh qytetarësh po mblidhen për të marrë pjesë në protestë.
Ndërkohë, në anën tjetër të bulevardit, forcat e policisë janë pozicionuar përpara godinës së Kryeministrisë, duke marrë masa për sigurimin e perimetrit të institucionit.
Në terren janë vendosur edhe efektivët e Forcave të Ndërhyrjes së Shpejtë, së bashku me dy autobote me ujë, të cilat janë pozicionuar pranë godinës qeveritare për t'u përdorur në rast të përshkallëzimit të situatës.
Një tjetër masë e marrë nga autoritetet është edhe largimi i gurëve nga trotuaret anësore të bulevardit. Kjo masë vjen pas incidenteve të regjistruara gjatë ditëve të fundit, kur protestues kanë përdorur gurë dhe materiale të tjera të forta për të goditur godinat e institucioneve.
Largimi i gurëve synon të kufizojë mundësinë e përdorimit të tyre gjatë protestës dhe të parandalojë incidente të ngjashme me ato të ditëve të mëparshme.
Prania e shtuar e forcave policore, vendosja e autoboteve me ujë dhe masat parandaluese në hapësirat përreth Kryeministrisë tregojnë përgatitjet e autoriteteve për të menaxhuar situatën në rast tensionesh. 1 ORE ME PARE Tensionohet situata, studentët sulmojnë selinë e PS; nga godina dalin persona të maskuar dhe ndjekin protestuesit! Situata është tensionuar më tej, pasi brenda selisë së Partisë Socialiste ndodheshin disa persona civilë të maskuar dhe të pajisur me shkopinj, të cilët dolën nga ambientet e godinës së PS-së dhe kanë nisur të ndjekin protestuesit... Protesta e studentëve është përshkallëzuar përpara selisë së Partisë Socialiste në Tiranë. Një grup të rinjsh është zhvendosur drejt selisë së PS-së, duke i gjetur të papërgatitura forcat e rendit, të cilat në atë moment nuk ishin të pozicionuara përpara godinës. Të rinjtë kanë nisur të godasin me gurë selinë e Partisë Socialiste, duke shkaktuar thyerjen e disa xhamave të ndërtesës. Situata është tensionuar më tej, pasi brenda selisë së Partisë Socialiste ndodheshin disa persona civilë të maskuar dhe të pajisur me shkopinj, të cilët dolën nga ambientet e godinës së PS-së dhe kanë nisur të ndjekin protestuesit. Ende nuk është e qartë se cilët janë këta persona, çfarë funksioni kanë apo nëse kanë lidhje me strukturat e Partisë Socialiste.
Pas përshkallëzimit të situatës, forcat e policisë kanë ndërhyrë për shpërndarjen e protestuesve, duke përdorur ujë dhe gaz lotsjellës. 1 ORE ME PARE Lumë protestuesish në rrugët e Tiranës, turma ndahet në disa grupe Një numër i madh protestuesish kanë mbushur këtë të diel rrugët e Tiranës, në ditën e gjashtë të protestave kundër qeverisë dhe sistemit politik. Vihet re një pjesëmarrje e konsiderueshme e qytetarëve, të cilët janë ndarë në disa grupe dhe po vijojnë marshimin në zona të ndryshme të kryeqytetit.
Protestuesit fillimisht u grumbulluan pranë Ministrisë së Arsimit, ku pati tensione dhe ndërhyrje të policisë për shpërndarjen e tyre. Në këtë zonë u regjistruan edhe arrestime, ndërsa më pas një pjesë e turmës u zhvendos drejt 9-katësheve.
Marshimi vijoi në pjesën e pasme të Muzeut Historik Kombëtar, ndërsa grupe të tjera protestuesish kanë vazhduar lëvizjen nëpër rrugët e qendrës së Tiranës.
Ndërkohë, gjatë protestës janë djegur kosha mbeturinash në disa rrugë dhe kryqëzime kryesore të kryeqytetit.
Ajo që bie në sy është numri i madh i protestuesve në terren, të cilët, pavarësisht ndërhyrjes së policisë dhe shpërndarjes së grumbullimit fillestar, kanë vijuar marshimin të ndarë në disa grupe.
Protesta mbetet në zhvillim, ndërsa në qendër të Tiranës vijojnë lëvizjet e demonstruesve dhe prania e forcave të policisë. 1 ORE ME PARE Protestuesit ndahen në grupe, djegin koshat e mbeturinave te "9 katshet" Protestuesit djegin koshat e mbeturinave te "9 katshet" Situata vijon të jetë e tensionuar në Tiranë, ku protestuesit janë ndarë në grupe pas përplasjeve të mëparshme me forcat e Policisë së Shtetit.
Një pjesë e pjesëmarrësve janë larguar nga grumbullimi kryesor dhe kanë vijuar lëvizjen në rrugë të ndryshme të kryeqytetit.
Ndërkohë, disa të rinj u kanë vënë flakën koshave të mbeturinave në mes të rrugës, duke krijuar vatra zjarri dhe pengesa për qarkullimin.
Këto zhvillime vijnë pas përplasjeve përpara Ministrisë së Arsimit, ku disa protestues hodhën molotov drejt efektivëve, ndërsa policia ndërhyri me gaz lotsjellës dhe ujë me presion.
Pas shpërndarjes së turmës nga zona e ministrisë, policia zhvendosi forca shtesë drejt Kuvendit të Shqipërisë, ku efektivët morën masa për sigurimin e hyrjeve të godinës. 1 ORE ME PARE Policia zhvendos forcat te Kuvendi, blindohen hyrjet e godinës Policia zhvendos forcat te Kuvendi Pas tensioneve dhe përplasjeve përpara Ministrisë së Arsimit, policia ka zhvendosur forca shtesë drejt Kuvendit të Shqipërisë, duke bllokuar hyrjet e godinës. Ndërkohë, protestuesit janë larguar nga ministria dhe aktualisht ndodhen në zonën e 9-katësheve.
Forcat e Policisë së Shtetit janë zhvendosur drejt Kuvendit të Shqipërisë, pas përplasjeve me protestuesit përpara Ministrisë së Arsimit në Tiranë.
Disa furgonë policie kanë mbërritur pranë godinës së Kuvendit, ku efektivët kanë marrë masa për sigurimin e hyrjeve. Ndërkohë, protestuesit janë larguar nga zona e Ministrisë së Arsimit dhe janë zhvendosur drejt qendrës së kryeqytetit, duke u grumbulluar në zonën e 9-katësheve.
Pak më parë, situata u përshkallëzua përpara Ministrisë së Arsimit, ku disa protestues hodhën molotov në drejtim të efektivëve të policisë. Forcat e rendit u përgjigjën duke përdorur gaz lotsjellës dhe ujë me presion për të shpërndarë turmën.
Gjatë ndërhyrjes së policisë janë kryer edhe disa arrestime, ndërsa ende nuk ka një bilanc zyrtar për numrin e personave të ndaluar gjatë protestës së sotme.
Pas ndërhyrjes me gaz lotsjellës dhe ujë me presion, policia arriti të shpërndajë protestuesit nga zona përpara Ministrisë së Arsimit. Turma u zhvendos në zonën e 9-katësheve.
Protesta e kësaj të diele, e gjashta radhazi, nisi rreth një orë përpara përplasjeve, në mënyrë paqësore, me këngë, valle, flamuj kombëtarë dhe thirrje për dorëheqjen e kryeministrit Edi Rama. Lini një Përgjigje Anuloje përgjigjen LIVE UPDATES Minutë pas minute/ Molotovë, gaz, ujë dhe gurë, kaos total para Kryeministrisë 17 Tetor 2026, 16:2516:25LIVE UPDATES Minutë pas minute/ Tirana kthehet në arenë përplasjesh; nga molotovët te gazi lotsjellës, kryeqyteti në kaos 17 Tetor 2026, 13:5113:51LIVE UPDATES Minutë pas minute/ Revolta e studentëve në ditën e 5-të, Shqipëria në këmbë kundër Ramës 17 Tetor 2026, 11:5011:50LIVE UPDATES Minutë pas minute/ Tym, flakë e kaos në Tiranë; revolta e studentëve nuk shuhet nga gazi lotsjellës 16 Tetor 2026, 19:2019:20LIVE UPDATES Minutë pas minute/ Protesta e studentëve para Kryeministrisë; përplasje, gaz lotsjellës dhe autobote me ujë! 16 Tetor 2026, 16:2116:21LIVE UPDATES Minutë pas minute/ Nuk ka të ndalur revolta qytetare, tym e flakë kudo 15 Tetor 2026, 19:3719:37LIVE UPDATES