Ministri i Jashtëm i Izraelit, Gideon Sa’ar, ndodhet në Tiranë për një vizitë zyrtare, gjatë së cilës pritet të zhvillojë takime me drejtuesit më të lartë të shtetit shqiptar. Në axhendën e diplomatit izraelit janë parashikuar takime me kryeministrin Edi Rama, kryetarin e Kuvendit, Niko Peleshi, si dhe ministrin për Evropën dhe Punët e Jashtme, Ferit Hoxha. Në fokus të bisedimeve pritet të jetë forcimi i marrëdhënieve dypalëshe dhe zgjerimi i bashkëpunimit mes Shqipërisë dhe Izraelit.
