Xheladin Draçini dhe Edit Xhajanka Pas muajsh përplasjesh në Universitetin e Mjekësisë, Senati Akademik ka rrëzuar propozimin e Komisionit Disiplinor Ad Hoc për masë ndaj Prof. Dr. Edit Xhajankës. Relacioni mori 8 vota pro, 1 kundër dhe 10 abstenime, duke mos siguruar shumicën e nevojshme për miratim. Mbyllet në favor të Prof. Dr. Edit Xhajankës saga që prej muajsh kishte prodhuar përplasje të forta brenda Universitetit të Mjekësisë së Tiranës.
Senati Akademik nuk ka miratuar propozimin e Komisionit Disiplinor Ad Hoc për marrjen e një mase ndaj Xhajankës, duke e mbyllur procedurën pa sanksion disiplinor ndaj saj.
Sipas burimeve të brendshme nga Universiteti i Mjekësisë, vendimi është marrë në mbledhjen e Senatit Akademik të zhvilluar më 28 shtator 2026, ku relacioni i komisionit u hodh në votim të hapur.
Rezultati ishte 8 vota pro relacionit, 1 votë kundër dhe 10 abstenime.
Për miratimin e propozimit kërkoheshin të paktën 10 vota pro. Me vetëm tetë vota në favor, relacioni nuk arriti shumicën e nevojshme dhe, për rrjedhojë, masa e propozuar ndaj Prof. Dr. Edit Xhajankës nuk u miratua nga Senati.
Veçanërisht domethënës në rezultatin përfundimtar është numri i abstenimeve. Dhjetë anëtarë të Senatit zgjodhën të mos e mbështesnin relacionin, ndërsa vetëm tetë votuan në favor të tij. Kështu, pavarësisht procedurës së gjatë që kishte mbërritur deri në organin më të lartë kolegjial të universitetit, propozimi nuk arriti të kalonte filtrin përfundimtar të votimit. Presion dhe hakmarrje institucionale në UMT, riorganizohet komisioni ad hoc kundër Edit Xhajankës 4 Shtator, 18:59 Vendimi i Senatit vjen pas muajsh debatesh dhe përplasjesh brenda Universitetit të Mjekësisë lidhur me procedurën e nisur ndaj Xhajankës. Në qendër të debatit ka qenë Komisioni Disiplinor Ad Hoc, mënyra e ngritjes së tij dhe vendimmarrja e ndërmarrë ndaj profesoreshës.
Përplasja mori përmasa të forta institucionale, ndërsa çështja kaloi në disa etapa përpara se të mbërrinte për vendimmarrje në Senatin Akademik. Xhajanka, nga ana e saj, ka kundërshtuar procedurat e ndërmarra ndaj saj, ndërsa konflikti u shoqërua me akuza për presion dhe hakmarrje institucionale.
Prof. Dr. Edit Xhajanka është një prej pedagogeve me karrierë të gjatë në Universitetin e Mjekësisë. Ajo numëron rreth 35 vite në jetën akademike dhe ka mbajtur poste të rëndësishme drejtuese, mes tyre atë të shefes së departamentit dhe, për dy mandate, të dekanes së Fakultetit të Mjekësisë Dentare.
Pikërisht pesha e saj akademike dhe funksionet e mbajtura ndër vite e kishin kthyer konfliktin në një nga përplasjet më të forta të brendshme në Universitetin e Mjekësisë.
Vendimi i 28 shtatorit ndryshon përfundimisht rrjedhën e kësaj procedure. Komisioni Disiplinor Ad Hoc e kishte çuar relacionin deri në Senat, por në momentin e votimit nuk siguroi numrin e nevojshëm të votave për ta kthyer propozimin në vendim.
Në këtë mënyrë, pas muajsh debatesh, përplasjesh procedurale dhe tensionesh brenda strukturave akademike, Prof. Dr. Edit Xhajanka del nga procedura pa asnjë masë disiplinore të miratuar nga Senati. /Pamfleti ‘Tano Karidi’ i Mjekësisë luftë me letra anonime, Xheladin Draçini nis "gjuetinë e shtrigave" ndaj Prof. Edit Xhajankës
25 Korrik, 16:16 edit xhajanka dracini Lini një Përgjigje Anuloje përgjigjen Aktualitet Zjarr në Vlorë, flakët përfshijnë tokat bujqësore 29 Shtator 2026, 12:3712:37Aktualitet “Jam Taulant Balla, më duhen 100 mijë euro”/ Zbardhet skema për të mashtruar Armand Dukën, të arrestuarit dëshmi kontradiktore 29 Shtator 2026, 12:1712:17Aktualitet Bojkoti i avokatëve prek gjyqin ndaj Veliajt, GJKKO vendos gjoba dhe pezullon afatet e paraburgimit 29 Shtator 2026, 11:2811:28Aktualitet Ilir Proda, pas shkarkimit u punësua 'ekspert' te kompania e armëve e Ron Yeffet: SPAK i bllokon pasaportën për lidhjet me krimin 29 Shtator 2026, 11:1111:11Aktualitet Kthjellime dhe vranësira kalimtare, si parashikohet moti këtë të martë 29 Shtator 2026, 07:2807:28Aktualitet Dokumentet sekrete të ’44/ Çfarë u shkruante Mbreti Zog mbështetësve të tij në Shqipëri 29 Shtator 2026, 07:1907:19Aktualitet