Të dërguarit e presidentit të SHBA-së, Donald Trump, janë takuar me Presidentin rus, Vladimir Putin, gjatë një vizite në Moskë për gjetjen e një zgjidhjeje për paqen në Ukrainë. Pamjet e publikuara në median shtetërore ruse tregon Steve Witkoff dhe Jared Kushner duke u përshëndetur nga Putin. Megjithatë Putin ka deklaruar se diskutimet nuk do të jenë mjaft të lehta, raportoi Intefax. Udhëtimi i tyre vjen mes deklaratave të ditëve të fundit të liderëve në Kremlin dhe Uashington. Pas Moskës vizita e radhës do të jetë në Kiev. Putini tha të enjten që beson se ekziston një mundësi për të arritur një marrëveshje, me lëshimet territorial që mbeten pengesa kryesore dhe duket e vështirë që lideri rus të jetë papritur i gatshëm të pranojë një armëpushim përgjatë vijave aktuale të frontit. Ndërkohë Putin ka urdhëruar ndalimin e sulmeve ndaj Ukrainës për 3 ditët në vijim. Presidenti Volodymyr Zelensky tha se Ukraina do ta respektojë këtë vendim dhe do të ndalin sulmet deri të hënën. LEXO EDHE:Putin: Armëpushimi me Ukrainën nuk do të jetë më shumë se tre ditë Trump ndërkohë u tha gazetarëve të premten se dy negociatorët do të përpiqen të vlerësojnë nëse është e mundur të bëhet përparim drejt paqes dhe konfirmoi një angazhim të ri amerikan. “Dërgova Steve Uitkoff dhe Jared Kushner, dy negociatorë të shkëlqyer. I dërguam atje për të parë nëse mund të arrijmë diçka. Mund të ketë një shans të mirë që ta bëjmë këtë. Ata po marrin me vete një propozim për t’i dhënë fund luftës. Ne kemi një ide për paqen”, tha Trump. Përpjekjet për paqe kanë ngecur për shkak të luftës së Uashingtonit me Iranin, ndërsa Moska dhe Kievi kanë intensifikuar sulmet me rreze të gjatë, duke rritur viktimat civile në nivele që nuk janë parë që nga fillimi i luftimeve. Në fund të gushtit, drejtori i CIA, John Ratcliffe, udhëtoi drejt Moskës, pjesërisht për t’u bërë presion homologëve atje që të shqyrtonin mundësinë e një marrëveshjeje, raportuan Reuters dhe disa media të tjera. Mediat amerikane raportuan gjithashtu se Ratcliffe e paralajmëroi Rusinë kundër çdo sulmi ndaj shteteve anëtare të NATO-s. Rendit zhvillimet sipas orarit: Të Fundit Të Parat Ora 20:50 Putin: Armëpushimi me Ukrainën nuk do të jetë më shumë se tre ditë Foto: Vladimir PutinRusia nuk e ka pranuar propozimin e Ukrainës për një armëpushim më shumë se tre ditë. Kështu deklaroi presidenti rus Vladimir Putin gjatë takimit me negociatorët amerikanë Steve Witkoff dhe Jared Kushner "Autoritetet ukrainase kanë bërë thirrje për një armëpushim më të gjerë tre-ditor, por ne nuk kemi arritur kurrë një marrëveshje me ta. Megjithatë, ne do të bëjmë gjithçka që është e mundur për të siguruar sigurinë e procesit të negociatave dhe ndërmjetësve, të përfaqësuar nga ju dhe ata që ju shoqërojnë", tha presidenti rus. Xh.K/Shqiptarja.com Share Ora 17:31 Ambasadori rus në Berlin: Nuk duam luftë me NATO-n apo me Gjermaninë Foto: Sergei Netschajew"Ne nuk duam luftë me NATO-n, nuk duam luftë kundër Gjermanisë." Kështu tha ambasadori rus në Gjermani, Sergei Netschajew, në podkastin e Ben Berndt.Në të njëjtën kohë, ai u shpreh se vendi i tij është në konflikt me NATO-n, pasi anëtarët e saj - përfshirë Gjermaninë - mbështesin Ukrainën.Netschajew gjithashtu hodhi poshtë akuzën për një tentativë bombardimi në aeroportin Leipzig/Halle të orkestruar nga Moska."Nëse do të kishim dashur vërtet të shkaktonim dëme në Leipzig, siç e dini me siguri, situata mund të kishte dalë krejtësisht ndryshe.Por ne nuk kemi asnjë qëllim të provokojmë qeverinë", shtoi ai. Xh.K/Shqiptarja.com Share Ora 17:21 Zelensky: Do ta respektojmë armëpushimin 3-ditor me Moskën Foto: Volodymyr ZelenskyPresidenti Volodymyr Zelensky ka deklaruar se Ukraina do ta respektojë armëpushimin 3-ditor, vendim i marrë nga Vladimir Putin."Sapo fola me përfaqësuesit e presidentit amerikan. Ata kanë filluar tashmë të punojnë me palën ruse sot. Nga tani deri të hënën, Ukraina është e gatshme të ndalojë sulmet kundër Moskës, dhe shpresojmë që rusët të bëjnë të njëjtën gjë, tha Volodymyr Zelensky në Telegram."Ne po presim Steve Witkoff dhe Jared Kushner dhe jemi gati për një dialog konstruktiv. Faleminderit të gjithëve që qëndrojnë me Ukrainën!" shtoi ai. Xh.K/Shqiptarja.com Share Xh.K/Shqiptarja.com TAG: Steve Witkoff Jared Kushner vladimir putin Rusi lufta ne ukraine Sa e vlerësoni këtë artikull? ★ ★ ★ ★ ★ 3.0 / 5 (1 vlerësim) Faleminderit! LAJMET MË TË VLERËSUARA Komente Komento Sondazhi i ditës:
2 Shtator, 23:22
Qeveria bllokon pagat e magjistratëve pasi KLGJ e KLP i rritën vetë, si e vlerësoni? Të drejtë 74.6% Të gabuar 21.2% Nuk e di 4.2% Vota total: 4075 Votat totale janë unike Sondazhi i ditës: 2 Shtator, 23:22 Qeveria bllokon pagat e magjistratëve pasi KLGJ e KLP i rritën vetë, si e vlerësoni?