Ky vit që e ka parë aktorin britanik të luajë në dy filmat më të mëdhenj të sezonit dhe të martohet me yllin e të dy filmave.
Aktori britanik Tom Holland pritet të fitojë të paktën 100 milionë dollarë për rolin e tij kryesor në filmin Spider-Man: Brand New Day, sipas The Wrap.
Burime anonime, të cilat kanë dijeni për marrëveshjen e Holland, thonë se aktori është paguar fillimisht 20 milionë dollarë (rreth 15 milionë paund), afërsisht dyfishi i shumës që raportohet se mori për filmin e mëparshëm "Spider-Man: No Way Home", në vitin 2021. Megjithatë, falë suksesit të jashtëzakonshëm të Brand New Day në kinematë botërore, Holland pritet të përfitojë edhe 80 milionë dollarë ose më shumë nga bonuset e lidhura me të ardhurat e filmit.
Vetëm në javën e tretë të shfaqjes, "Spider-Man: Brand New Day" është ngjitur në vendin e tetë ndër filmat me fitimet më të larta të të gjitha kohërave, pa marrë parasysh inflacionin, pasi ka kaluar shifrën prej 2 miliardë dollarësh në shitje biletash. Nga tetë filmat që kanë arritur këtë pikë, ai është filmi i dytë që e ka kapur këtë shifër më shpejt. Rekordin e mban "Avengers: Endgame", i publikuar në vitin 2019.
Pagesa e raportuar e Holland përfaqëson një rritje të jashtëzakonshme krahasuar me paraqitjet e tij të mëparshme si Spider-Man. Kur e luajti për herë të parë personazhin, në një rol relativisht të shkurtër, por të rëndësishëm, në Captain America: Civil War (2016), raportohet se u pagua 250 mijë dollarë.
Për tre filmat pasues të Spider-Man, në të cilët ai kishte rolin kryesor, Holland raportohet se mori 500 mijë dollarë për Homecoming (2017), 4 milionë dollarë për Far from Home (2019) dhe 10 milionë dollarë për No Way Home (2021).
Mendohet se kontrata e tij fillestare përfi pas No Way Home, ndërsa pagesa shumë më e lartë për Brand New Day është rezultat i një marrëveshjeje të re të negociuar me kushte dukshëm më të favorshme për aktorin.
Suksesi i "Brand New Day" vjen në një periudhë kur interesi i publikut për filmat e "Marvel Cinematic Universe (MCU)" dhe, në përgjithësi, për filmat me superheronj, kishte filluar të zbehej.
Në vitin 2023, "The Marvels" arkëtoi vetëm 206 milionë dollarë, kundrejt një buxheti të raportuar prodhimi prej 270 milionë dollarësh pa përfshirë kostot e marketingut dhe shpërndarjes. Një vit më vonë, Madame Web, film që lidhet drejtpërdrejt me universin e Spider-Man, fitoi vetëm 100 milionë dollarë, kundrejt një buxheti prej rreth 80 milionë dollarësh.
Ndërkohë, në vitin 2025, Variety raportoi se Marvel kishte publikuar tre filma radhazi me rezultate zhgënjyese në arkëtime "Captain America: Brave New World", i cili fitoi 415 milionë dollarë, krahasuar me 1.15 miliardë dollarët e filmit të mëparshëm të serisë "Captain America" në vitin 2016; Thunderbolts, me 382 milionë dollarë kundrejt një buxheti prodhimi prej 180 milionë dollarësh dhe "The Fantastic Four: First Steps", që arkëtoi 521 milionë dollarë, ndërsa prodhimi i tij kushtoi rreth 200 milionë dollarë.
Dominimi i "Spider-Man: Brand New Day" në arkat botërore vjen në një vit veçanërisht të suksesshëm për Holland. Aktori u shfaq gjithashtu si Telemaku në The Odyssey, adaptimi i shumëpritur i Christopher Nolan, i cili është aktualisht filmi i dytë me fitimet më të larta të vitit 2026, me rreth 1.3 miliardë dollarë të ardhura nga biletat.
Për Holland, viti ka qenë i jashtëzakonshëm edhe në planin personal. Ai u martua me Zendaya, bashkëprotagonisten e tij në "Spider-Man: Brand New Day" dhe në "The Odyssey".