Foto ilustruese/ Qeveria na ka ofruar tri figura për të na qetësuar, dhe ia vlen t'i marrim një nga një. Diella, ministrja e gjeneruar nga inteligjenca artificiale në detyrë që prej 11 shtatorit 2025. Ylli, asistenti dixhital i fermerit, i prezantuar më 1 qershor nga ministri Andis Salla. Dhe e treta, Besa, dokumenti i zbuluar më 24 korrik 2026 si reflektim për mandatin e katërt.
Diella u shit si garancia që tenderat do të ishin njëqind për qind të lirë nga korrupsioni, sepse algoritmi nuk merr ryshfet. Problemi është se algoritmi mori fytyrë. Fytyra dhe zëri i Diellës i përkasin aktores Anila Bisha, e cila deklaroi se kurrë nuk dha pëlqimin dhe kërkoi një milion euro dëmshpërblim. Ministrja e transparencës nisi ekzistencën me një imazh të marrë pa leje. Kjo është e para nga tri arsyet pse besimi vjen me vështirësi.
Ylli fliste shqip, në kohë reale, nga çdo telefon, dhe premtoi të ishte ndihmësi i çdo fermeri. Demonstrimin e bëri Manjola Hafizi, kultivuese mjedre. Vetëm një gjë nuk kishte në sistem: naftën e subvencionuar dhe plehun kimik të përballueshëm që fermeri i kërkonte realisht. Ylli të jep informacion agronomik, orientim, skema, dhe asgjë nga ajo që zgjidh problemin. Të fal një yll në celular kur ty të duhet një cisternë në arë.
Besa është e ndryshme nga të dyja. Diella dhe Ylli nuk kërkojnë asgjë; janë dekor i një revolucioni dixhital që synohet t'i shitet Gjermanisë. Besa është e vetmja që kërkon diçka prapa: besimin tënd. Dhe e kërkon pikërisht atëherë kur populli ka dy muaj që del çdo ditë në shesh, sepse kësaj qeverie i ka mbetur vetëm një gjë për t'i dhënë qytetarit, mbytjen e çdo shprese. Besa kërkohet nga i njëjti pushtet që e ktheu protestën e përditshme në normalitet, dhe tani, në ditën e 56-të, del e kërkon besimin sikur të mos kishte asnjë lidhje me arsyen pse rruga nuk zbrazet.
Prandaj përgjigjja është e thjeshtë. Diellës nuk i besojmë edhe sepse nisi me një fytyrë të vjedhur. Yllit nuk i besojmë, sepse na dha dritë kur na duhej naftë. Besës nuk i besojmë, sepse është produkti i vetëm nga të tria ku koston e mospërmbushjes nuk e paguan algoritmi, por qytetari që beson. Besa nuk kërkohet, besa mbahet. Dhe një qeveri që e kërkon në ditën e 56-të të protestës, e ka pranuar vetë se e ka humbur përgjithmonë... /Pamfleti kujt t\'i besojmë: diellës yllit apo besës? Lini një Përgjigje Anuloje përgjigjen Aktualitet SHBA trajnon ekspertë për poligrafin: Shqipëria, partnere në luftën kundër krimit ndërkombëtar 25 Korrik 2026, 12:3912:39Aktualitet Doganierët grekë në grevë, pezullohet kalimi në pikn kufitare të Kakavijës të hënën 25 Korrik 2026, 11:1911:19Aktualitet Familja Plaka hap dyert e mortit, përcillen sot në banesën e fundit çifti i bashkëshortëve të vrarë nga ish-dhëndri 25 Korrik 2026, 10:3810:38Aktualitet Kujtimet e ish-diplomatit amerikan që vizitoi Shqipërinë më 1914: Ndër gratë Shqiptare dashuria dhe bukuria nuk luajnë një rol me rëndësi 25 Korrik 2026, 07:4207:42Aktualitet Rama e përdori poltikisht për të sulmuar protestuesit, shqiptarët mbledhin 151 mijë dollarë për nënën me djalin e saj 25 Korrik 2026, 07:2307:23Aktualitet Nurellari kritikon Ramën: Nuk ishte dita për të folur për "Besën", por për përgjegjësi dhe llogaridhënie 24 Korrik 2026, 23:0123:01Aktualitet