Lajme Zone
PolitikëShqiptarja
Ky artikull është pjesë e një historie me 8 burime — Krahaso mbulimin →

Kryeministri dialog me të rinj ‘që besojnë te protesta’! Lind ‘Lëvizja Studentore’ (me zyrtarë të Berishës në mbledhje): Nuk ulemi me Ramën


Kryeministri Rama mblodhi një grup studentësh të premten në mbrëmje, në atë që e quan debat me ata që besojnë te protesta dhe jo te gurët por pa i bërë ende publike debatet dhe qëndrimit në dialog. Nga ana tjetër të shtunën paradite një grup studentësh, të asistuar edhe nga pedagogë afër PD-së, u vetëshpallën “Lëvizja Studentore Kombëtare”.

“Kush do dialog, pa kushte, ku të dojë, kur të dojë, edhe këtu po të dojë. Të vetmit që nuk janë të mirëpritur janë ata që bëjnë dhunë dhe ata që nuk distancohen nga dhuna", deklaroi Rama më 20 tetor. U desh fiks një muaj pas kësaj ftese të Kryeministrit Rama, herë me karrige e herë me sofër betoni para zyrës së tij, që akujt të shkriheshin mes studentëve dhe kreut të qeverisë. Në sallën kryesore të Pallatit të Brigadave, e mbushur plot me të rinj, të premten në mbrëmje u zhvillua një bisedë e gjatë, detajet e së cilës duket se të paktën për momentin do të mbeten vetëm mes palëve dialoguese. LEXO EDHE:Rama foli për shkarkime arbitrare, ja drejtorët për të cilët Veliaj firmosi largimin nga puna! Drejtoresha e Kopshteve, kreu i IMT dhe drejtoresha e policisë bashkiake (DOKUMENTET) Kryeministri publikoi vetëm disa pamje nga takimi, duke theksuar se sipas një dakordësie me studentët, fillimisht do bëhen publike vetëm pamjet dhe më tej ndoshta edhe pikat kryesore të diskutimit. “Videokartolinë nga dialogu me studentë që besojnë te protesta jo te gurët, me të cilët ramë dakord të mos e publikojmë hëpërhë debatin po vetëm pamjet", shkroi Rama. Kryeministri Edi Rama gjatë dialogut me studentë protestuesNë takim përveç pyetje-përgjigjeve apo qëndrimeve të ndryshme, të rinjtë plotësuan edhe një formular, ku studentëve u është kërkuar të shënojnë problematikën që i shqetëson më së tepërmi, nga vështirësia për gjetjen e një vendi pune, kostoja e jetesës e deri te cilësia e arsimit e shëndetësia. Formulari që kanë plotësuar studentët protestuesGrup studentësh me lëvizje, zgjedhin delegatët: S’ka dialog! Në mbledhje edhe zyrtarë të PD së Berishës Por një tjetër grup studentësh të vetëshpallur “Lëvizja Studentore Kombëtare”, thanë paraditen e së shtunës se nuk kanë pasur ftesë për dialogun e një ditë më parë, dhe se nuk e dinë në emër të kujt u ul përballë Ramës grupi tjetër i të rinjve. “Nuk marrim pjesë në asnjë dialog me Ramën. Kjo lëvizje nuk pranon të ulet në tryezë me kryehajdutin. Nuk e dimë kush mori pjesë në takim me Ramën. Nuk kemi pasur ftesë”, thanë në deklaratë. Ky grupim studentësh njoftoi krijimin e “Lëvizja Studentore”, e cila siç deklarojnë, është vijimësi e revoltës qytetare por jo zëvendësim i saj. Ata thonë se kanë zgjedhur përfaqësues në çdo fakultet, dhe se kësaj lëvizje i janë bashkuar deri tani mbi 2000 të rinj, megjithatë nuk kanë një kryetar, e as nuk synojnë të shndërrohen në parti politike. “Organizimi ynë është jo përfundimtar por i pavarur. Kjo është vendimarrja e një grupi të studentëve, përfaqësojmë një pjesë të atyre që janë angazhuar. Nuk po bëjmë parti politike por organizim studentor", thuhet në deklaratë. Kliko këtu për të lexuar deklaratën e plotë të Lëvizjes Studentore Megjithatë prania e Aleksandër Biberajt, anëtarit të Asamblesë Kombëtare të Partisë Demokratike dëshmoi se zanafilla e këtij organizimi të kësaj të shtune është një takim i 2 nëntorit në bulevardin para Kryeministrisë. Atë mbrëmje zyrtari i Partisë së Berishës kërkonte takime edhe me profesorë në fakultete "për të krijuar një përfaqësi". Në takimin e zhvilluar sot me delegatë të përkohshëm të zgjedhur nga 10 fakultete, ata kanë diskutuar mbi strukturimin e lëvizjes dhe hapat që do të ndërmarrin në vijim. Studentët: Poshtë diktatura! Rama u buzëqesh: Hajdeni Pak metra e ndanin mbledhjen e lëvizjes studentore të Universiteti Politeknik, nga socialistët e Tiranës, te Akademia e Arteve. Në përfundim të mbledhjes së Asamblesë së PS-së, Rama u përball për disa sekonda me thirrjet e studentëve, “poshtë diktatura” drejtuar kreut të qeverisë. Rama u buzëqeshi dhe u tha “hajdeni” duke i ftuar në dialog. Share SI.E. SI.E. Shqiptarja.com TAG: sali berisha PD aleksander biberaj protestat kunder qeverise edi rama Sa e vlerësoni këtë artikull? ★ ★ ★ ★ ★ 1.0 / 5 (3 vlerësime) Faleminderit! LAJMET MË TË VLERËSUARA Komente Komento Orti: 21/11/2026 20:40 Dy nga ato ‘studentet’ qe ishin dje ke Rama jane patronazhiste qe punojne nw shtet dmth prape mashtron oridinieri Rama ben dialog me ushtaret e vet Përgjigju nikita: 21/11/2026 22:36 Ik mor idiot shqiperia ka 120 mijë studentë Ps nmor langar këta janë përfaqësuesit kanë dalë ushtarët e vushtrisë se vdekur të Qorrit Horrit dhe frpd dhe këto jo qe nuk janë patronazhista por qelbesira anarshista Papagalli: 21/11/2026 19:12 A. e. moret. vesh. o. popull. qe. keta. sjane. as. flamingo. as. studente. por. jane. mercenare. te. paguar. qe. nuk. duan. qe. Shqiperia. te. shkoje. drejt. Bashkimit. Europian. aty. ku.e. ka. vendin. dhe. ku. po. e. con. kryeministri. Edi. Rama. por. duan. ta. cojne. ne. drejtimin. e. Rusise, Kines. Turqise. dhe. Iranit. sipas. udhezimeve. te. agjentit. serbo ruso. turko. iranian. Sali. Berisha. Përgjigju Gerdeci: 21/11/2026 20:00 Plotesisht me ty "papagalli"! Sondazhi i ditës:

21 Nëntor, 17:11

Cila mendoni se është rruga për zgjidhjen e kërkesave të studentëve? Dialogu 72.2% Protesta 22.2% Asnjëra 5.6% Vota total: 853 Votat totale janë unike Sondazhi i ditës: 21 Nëntor, 17:11 Cila mendoni se është rruga për zgjidhjen e kërkesave të studentëve?