Pandëshkueshmëria vijon të mbetet një nga problemet kryesore në Shqipëri, sipas një raporti të OSAC, strukturë e lidhur me Departamentin Amerikan të Shtetit. Raporti vlerëson se krijimi i Strukturës së Posaçme Kundër Korrupsionit dhe Krimit të Organizuar (SPAK) në vitin 2019 ka sjellë rritje të hetimeve, arrestimeve dhe ndjekjeve penale ndaj zyrtarëve të dyshuar për abuzime, por thekson se ende shumë persona me pushtet politik, administrativ dhe ekonomik arrijnë t’i shmangen përgjegjësisë penale.
Sipas OSAC, përpjekjet e institucioneve shqiptare për zbatimin e ligjit vijojnë të pengohen nga korrupsioni, mungesa e shkëmbimit efikas të informacionit mes agjencive shtetërore, koordinimi i pamjaftueshëm institucional dhe një sistem gjyqësor ende në proces zhvillimi. “Korrupsioni dhe pengesat në ndarjen e informacionit midis agjencive qeveritare, koordinimi i pamjaftueshëm brenda agjencive dhe një sistem gjyqësor ende në zhvillim e sipër vazhdojnë të pengojnë përpjekjet e zbatimit të ligjit në Shqipëri. Struktura Speciale e Shqipërisë Kundër Korrupsionit dhe Krimit të Organizuar (SPAK), e cila u krijua në vitin 2019, ndjek penalisht çështjet që përfshijnë terrorizëm, korrupsion të nivelit të lartë dhe krim të organizuar. SPAK ndjek penalisht raste komplekse dhe bashkëpunon drejtpërdrejt me entitetet kryesore ndërkombëtare të zbatimit të ligjit dhe prokurorisë. Zyrat e prokurorive të rretheve në të gjithë vendin ndjekin penalisht çështjet e mbetura që nuk bien brenda juridiksionit të kufizuar të SPAK. SPAK dhe shërbimet e tjera të zbatimit të ligjit në Shqipëri bashkëpunojnë gjerësisht me INTERPOL-in dhe organe të tjera ndërkombëtare të zbatimit të ligjit”, thuhet në raport.
111111111111111 © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb