Në qendër të vëmendjes është edhe aktiviteti i Artan Gaçit, i cili ka përfituar statusin e investitorit strategjik dhe po ndërton një resort turistik. SPAK merr zyrtarisht nën hetim ish-ministren Olta Xhaçka dhe Artan Gaçin Ish-ministrja e Mbrojtjes Olta Xhaçka është marrë zyrtarisht nën hetim nga Prokuroria e Posaçme Antikorrupsion (SPAK). Xhaçka akuzohet për veprat penale “Korrupsion” dhe “Pastrim parash”.
Hetimet përfshijnë edhe bashkëshortin e saj, biznesmenin dhe ish-deputetin socialist Artan Gaçi.
Çështja po hetohet nga prokurorët e posaçëm Ols Dado dhe Altin Dumani.Pjesë e dosjes janë edhe të dhëna të mbërritura nga jashtë vendit përmes letërporosisë.
Sipas informacioneve të raportuara, nga hetimet e deritanishme kanë dalë të dhëna që dyshohet se e lidhin ish-ministren me veprime korruptive dhe transaksione përmes kompanive të bashkëshortit të saj.
Në qendër të vëmendjes është edhe aktiviteti i Artan Gaçit, i cili ka përfituar statusin e investitorit strategjik dhe po ndërton një resort turistik.Prona mbi të cilën po ndërtohet resorti dyshohet se është përfituar përmes falsifikimit të dokumenteve.
Kujtojmë se Xhaçka u paraqit në ambientet e SPAK të mërkurën, vetëm pak minuta pasi ambientet e godinës së xhamtë i kishte lënë bashkëshorti i saj, ish-deputeti socialist Artan Gaçi, i cili po ashtu është nën hetim për të njëjtat akuza.
Hetimet e deritanishme e implikojnë ish-ministren e Jashtme në afera korruptive dhe transaksione përmes kompanive të të shoqit. Resorti në Himarë, dyshimet për tjetërsimin e tokës
Çështja që ka vënë prej vitesh në qendër të vëmendjes çiftin Gaçi-Xhaçka lidhet me një sipërfaqe toke në Gjilekë të Himarës, ku ishte planifikuar ndërtimi i resortit turistik “Dreamades Luxury Suites”.
Në vitin 2021, kompania “AG.TCC”, në pronësi të Artan Gaçit, përfitoi statusin e investitorit strategjik për projektin, me vlerë të deklaruar rreth 5.5 milionë euro. Projekti parashikonte ndërtimin e një strukture turistike luksoze, ndërsa kompania përfitoi edhe të drejtën e përdorimit të një zone bregdetare për 30 vjet.
Por përfitimi i këtij statusi u vu në pikëpyetje pas denoncimeve për mënyrën se si ishte përfituar toka ku do të ndërtohej resorti.
Kallëzimi penal i bërë nga Fredi Beleri në SPAK përfshinte Artan Gaçin, Olta Xhaçkën dhe ish-kryebashkiakun e Himarës, Jorgo Goro. Në qendër të denoncimit ishte një sipërfaqe prej 5.512 metrash katrorë në Gjilekë, për të cilën pretendohej se ishte regjistruar në pronësi private përmes dokumenteve të falsifikuara.
Sipas pretendimeve të paraqitura në kallëzim, dokumentacioni i pronësisë kishte parregullsi dhe toka ishte kaluar nga pronë shtetërore në favor të subjekteve private, përpara se të blihej nga kompania e lidhur me Gaçin dhe të përdorej për projektin turistik.
Në tetor të vitit 2023, SPAK sekuestroi truallin prej 5.512 metrash katrorë në kuadër të hetimeve për dyshime mbi falsifikimin e aktit të marrjes së tokës në pronësi. Në vijim, u sekuestrua edhe një sipërfaqe tjetër prej rreth 5.080 metrash katrorë, e lidhur me projektin.
Hetimet për këtë çështje çuan në arrestimin e Jorgo Goros në mars të vitit 2024, nën dyshimet për shpërdorim detyre, në lidhje me kalimin e pronave shtetërore në favor të subjekteve private. Sipas hetimeve të raportuara nga mediat, dyshohej se zyrtarë të bashkisë dhe të institucioneve të tjera kishin ndërmarrë veprime që mundësuan tjetërsimin e tokës.
Në kallëzimin e asokohe, u përfshi edhe emri i ish-ministres Olta Xhaçka për shkak të lidhjes bashkëshortore me Gaçin dhe dyshimeve për konflikt interesi, në një kohë kur ajo ushtronte funksionin e Ministres së Jashtme.
Në kallëzim pretendohej se Xhaçka nuk kishte deklaruar konfliktin e interesit dhe se, nëpërmjet regjimit martesor, mund të kishte përfituar të drejta pasurore nga investimi i bashkëshortit. Këto pretendime u lidhën me statusin e investitorit strategjik dhe përfitimet që shoqëronin projektin.
Në prill të vitit 2025, Gjykata e Posaçme urdhëroi SPAK të regjistronte kallëzimin penal ndaj Xhaçkës dhe Gaçit lidhur me këtë çështje. Kallëzimi përfshinte dyshime për shpërdorim detyre, falsifikim dokumentesh dhe pastrim të produkteve të veprës penale.
Ndërkohë, paraqitja e fundit e Artan Gaçit në SPAK lidhet me një hetim të ri, të ndryshëm nga çështja e pronave në Himarë.
Gaçi është nën hetim për dyshime për pastrim parash, pas të dhënave që dyshohet se janë zbuluar gjatë këqyrjes së telefonit të një shtetaseje që ka bashkëpunuar me drejtësinë në një çështje tjetër.
Nga këto materiale, dyshohet se janë zbuluar komunikime që lidhen me transferta monetare drejt disa shteteve. Hetuesit po verifikojnë rrethanat e këtyre lëvizjeve financiare dhe lidhjet e mundshme me persona të tjerë.
Gaçi u paraqit në SPAK më 8 tetor, i shoqëruar nga avokati i tij, ndërsa më 14 tetor u paraqit edhe Xhaçka. Pas paraqitjes në SPAK, ish-ministrja ashtu si bashkëshorti i saj janë marrë zyrtarisht nën hetim për korrupsion dhe pastrim të produkteve të veprës penale. Follow the Money/ Idlir Lopçi i “Peninsula”, nga dosja italiane e call center-ave te pazaret me Artur Shehun në Zvërnec
12 Tetor, 17:26 Artan Gaçi në SPAK, roli i ortakut Idlir Lopçi i “Peninsula”; nga call center-at te tokat e Artur Shehut në Zvërnec 9 Tetor, 19:55 spak spak merr zyrtarisht nën hetim olta xhaçka Lini një Përgjigje Anuloje përgjigjen Aktualitet Protesta në Tiranë, 40 të lënduar në Spitalin e Traumës, një polic në terapi intensive 16 Tetor 2026, 10:4510:45Aktualitet Tensione në Elbasan, protestuesit i vënë flakë kazanëve të mbeturinave 16 Tetor 2026, 10:4610:46Aktualitet U bë simboli i protestës, gjykata jep vendimin për studentin Klevi Metaj 16 Tetor 2026, 10:3910:39Aktualitet Përshkallëzohet protesta në Burrel, studentët thyejnë derën e furgonit të policisë 16 Tetor 2026, 10:2010:20Aktualitet Bojkotuan mësimin për t’iu bashkuar protestës, policia nuk lejon gjimnazistët e Kamzës të hyjnë në Tiranë 16 Tetor 2026, 10:1410:14Aktualitet Nga Shkodra në Vlorë, nis bojkoti studentor kundër Edi Ramës dhe kastës politike; përplasje në Lezhë 16 Tetor 2026, 10:0610:06Aktualitet