“Duhet të gjejmë investime për të gjithë dhe mundësi për të gjithë.” Kështu u shpreh Gianni Infantino, presidenti i FIFA-s (Federata Ndërkombëtare e Futbollit), pas një takimi të zhvilluar në Republikën Domenikane me përfaqësuesit e federatave të futbollit në Karaibe (CFU). Gjatë këtij takimi, ai siguroi mbështetjen e kësaj organizate, e cila është pjesë e Concacaf-it, një konfederatë që ka shfaqur kritika të forta ndaj presidentit të FIFA-s për shkak të nismës FIFA Forward Enterprise (FFE). Kjo nismë, e tërhequr më pas, parashikonte shitjen tek investitorët privatë të një pjese prej 20% të të drejtave komerciale të turneve të FIFA-s, përfshirë edhe Kupën e Botës. Infantino bëri thirrje për reduktimin e hendekut mes fuqive kryesore të futbollit dhe pjesës tjetër të botës. Ai deklaroi se Federata Ndërkombëtare është e angazhuar për të ofruar “mundësitë, aksesin dhe burimet” më të mira të mundshme, në mënyrë që një numër më i madh ekipesh të kenë mundësi të konkurrojnë në nivel global. LEXO EDHE:Kreu i UEFA-s përjashton mundësinë e kandidimit për president të FIFA-s, Ceferin: S'më intereson, Infantino nuk ka mbështetje “Është e rëndësishme të marrësh pjesë, të angazhohesh në dialog, të shprehësh pikëpamjet dhe opinionet e tua. Kanë ndodhur shumë gjëra gjatë javëve të fundit dhe është e rëndësishme që zëri yt të dëgjohet, t’u kushtohet vëmendje këtyre çështjeve dhe gjithashtu të kesh mundësinë të shprehësh atë që ndien. Prandaj, në përgjithësi, mendoj se është diçka pozitive. Jam shumë, shumë i kënaqur me gjithë mbështetjen që po marr këtu”, deklaroi ai në një intervistë për mediat e FIFA-s. Infantino theksoi se organizata duhet të angazhohet për “zhvillimin e futbollit në secilin prej 211 vendeve” që përbëjnë FIFA-n. Ai gjithashtu kritikoi qëndrimin e fuqive të mëdha të futbollit, pa përmendur drejtpërdrejt UEFA-n, organizatën që ka qenë më kritike ndaj drejtimit të tij. “Disa, për fat të keq, as nuk kanë nevojë dhe as nuk duan që të tjerët të zhvillohen, por ne duhet ta zvogëlojmë këtë hendek mes vendeve të mëdha, vendeve shumë të mëdha dhe të gjitha vendeve të tjera”, theksoi ai. “Aktorët e mëdhenj po bëjnë një punë të shkëlqyer dhe ne i vlerësojmë, i përgëzojmë dhe natyrisht, ata duhet të vazhdojnë të rriten. Por duhet t’u japim një mundësi edhe të gjithë të tjerëve. Duhet të gjejmë investime për të gjithë, mundësi për të gjithë”, përfi Infantino. S.Dh/Shqiptarja.com TAG: CONCACAF FIFA Gianni Infantino Karaibe Sa e vlerësoni këtë artikull? ★ ★ ★ ★ ★ 5.0 / 5 (1 vlerësim) Faleminderit! LAJMET MË TË VLERËSUARA Komente Komento Sondazhi i ditës:
23 Gusht, 08:55
Si po menaxhohet situata me zjarret? Mirë 60.7% Keq 30.9% Nuk e di 8.4% Vota total: 1327 Votat totale janë unike Sondazhi i ditës: 23 Gusht, 08:55 Si po menaxhohet situata me zjarret?