"Rusia do të jetë e gatshme të përdorë arsenalin e plotë të forcave dhe kapaciteteve në dispozicion të saj, përfshirë armët bërthamore , për të mbrojtur territorin e saj nëse vendet e NATO-s përpiqen të izolojnë rajonin e Kaliningradit nga pjesa tjetër e vendit." Ky është detaji në letrën e dërguar nga Kremlini udhëheqësve të NATO-s. Kërcënimi është i qartë, i shkruar për herë të parë, i dërguar aleatëve përmes një kanali zyrtar, ambasadës ruse në Belgjikë. Dhe përqendrohet në dy fjalë: "armë bërthamore". Një shpërthim nga e kaluara, në momentet më të këqija të Luftës së Ftohtë. Sulmet hibride të katër viteve të fundit bëhen kështu një paralajmërim bërthamor. Preteksti është stërvitja e kryer verën e kaluar nga Aleanca Atlantike rreth enklavës baltike të Kaliningradit , midis Polonisë, Lituanisë dhe Letonisë. Dhe në fakt letra flet në mënyrë të qartë për një "përshkallëzim të paparë të situatës politiko-ushtarake rreth rajonit rus të Kaliningradit, të shoqëruar me deklarata publike shumë provokuese nga zyrtarët e aleatëve të NATO-s". LEXO edhe...Rusi/ Rrëzohet avioni luftarak Tu-95 gjatë stërvitjes, 6 të vdekur Reagimi i Moskës synon pra rritjen e tensioneve dhe frikësimin e Perëndimit. "Kjo sjellje e rrezikshme dhe e pamatur", vazhdon Kremlini, "përmban një rrezik të lartë të një konflikti të armatosur të drejtpërdrejtë, me mundësinë e sulmeve ruse kundër qendrave vendimmarrëse të shteteve anëtare të Aleancës që në fazat më të hershme të konfliktit". Në mesazhin e Putinit, partnerëve të NATO-s u kërkohet të "përmbahen nga veprimet e mëtejshme destabilizuese dhe përshkallëzuese në mënyrë që të shmangin një konflikt në shkallë të gjerë". Dhe "në shkallë të gjerë" është një lloj sinonimi për luftën botërore, e lidhur me "izolimin" e mundshëm të Kaliningradit, dhe jo vetëm me një sulm të vërtetë. Kjo frazë ngre nivelin e kërcënimit: lufta mund të shkaktohet edhe në përgjigje të një stërvitjeje aleate. Përgjigja e Aleancës Atlantike ishte e qartë. Zëdhënësja Allison Hart konfirmoi letrën dhe njoftoi përgjigjen, e cila theksoi se "ne jemi një Aleancë mbrojtëse dhe se asnjë nga aktivitetet apo ushtrimet tona nuk përbën rrezik për asnjë pjesë të territorit rus". Ajo gjithashtu dënoi "kërcënimin e përdorimit të forcës, duke përfshirë çdo retorikë bërthamore të papërgjegjshme", duke specifikuar se mbështetja për Kievin nuk do të tërhiqej: "Përdorimi i taktikave hibride nga Rusia është një shenjë dëshpërimi. Por ne nuk do të dekurajohemi nga mbështetja jonë për Ukrainën. Ne kemi atë që duhet për të mbrojtur çdo centimetër të territorit aleat". NATO pranon se stërvitja e Kaliningradit kishte për qëllim të demonstronte aftësinë për të kontrolluar enklavën në rast të agresionit ushtarak rus kundër Evropës. Por, në fakt, ishte vetëm një demonstrim. Moska refuzon të pranojë përgjigjen e Brukselit. Aq sa Ministri i Jashtëm rus Lavrov e dyfishoi qëndrimin: "Evropa padyshim po bën një luftë kundër nesh. Nëse na akuzon për shkatërrimin e infrastrukturës së përdorur nga regjimi nazist, me mbështetjen perëndimore, për një luftë kundër Federatës Ruse, atëherë ne po përdorim forcën brutale për të shtypur një kërcënim të drejtpërdrejtë". Këto fjalë shkaktuan një reagim të mëtejshëm nga Sekretari i Përgjithshëm i NATO-s, Mark Rutte. "Rusia", paralajmëroi ai, "po vazhdon fushatën e saj të pamatur të veprimeve armiqësore. Por po dështon në fushën e betejës. Ne do të bëjmë më shumë për Ukrainën, jo më pak". Dhe kryetari i Komitetit Ushtarak të NATO-s, Giuseppe Cavo Dragone , ishte edhe më i drejtpërdrejtë: Rusia dëshiron të "na shkatërrojë". Kjo duhet të bindë edhe "më skeptikët" për të investuar në siguri, veçanërisht për të parandaluar sulme si ai që pësoi verën e kaluar në Estoni nga një kompani mbrojtëse. Dhe se Rusia synon të rrisë nivelin e konfliktit, demonstrohet nga urdhri i ri ekzekutiv i Putinit për të rekrutuar 15,500 ushtarë shtesë./La Repubblica Xh.K/ReportTv.al vladimir putin nato Rusi Komento Komente Sondazhi i ditës: Ambasadori i ri i SHBA nis misionin, a besoni se do sjellë ndryshim në mjedisin politik? Po 53.9% Jo 38.8% Disi 7.3% Vota total: 4074 Sondazhi i ditës: Ambasadori i ri i SHBA nis misionin, a besoni se do sjellë ndryshim në mjedisin politik?
