Viktor Orban Hetimi lidhet me Fondin Kombëtar të Kulturës (NKA), ku prokuroria po shqyrton dyshime për keqpërdorim fondesh publike, shpërdorim detyre dhe vepra të tjera penale. Sipas autoriteteve, bëhet fjalë për vendime mbi ndarjen e granteve shtetërore me vlerë më shumë se 17 miliardë forintë, ose rreth 54 milionë dollarë... Prokuroria hungareze ka bastisur selinë e partisë opozitare Fidesz, të ish-kryeministrit Viktor Orbán, në një operacion që shënon një zhvillim të rëndësishëm në skenën politike të vendit.
Sipas Fidesz, prokurorët kontrolluan serverët dhe sistemet e komunikimit të partisë, duke kërkuar qasje në bazat e të dhënave. Partia e Orbánit e cilësoi ndërhyrjen si "të paprecedentë" dhe akuzoi qeverinë e re për përdorim të drejtësisë kundër opozitës.
Megjithatë, sipas Reuters, bastisja lidhet me një hetim penal për dyshime mbi keqpërdorimin e fondeve të Fondit Kombëtar të Kulturës (NKA). Hetimi përfshin vendime për shpërndarjen e më shumë se 17 miliardë forintëve (rreth 54 milionë dollarë) në grante shtetërore, të cilat dyshohet se janë orientuar në mënyrë jo transparente drejt artistëve dhe organizatave të afërta me Fidesz. Personat nën hetim kanë mohuar çdo shkelje.
Ky është një nga veprimet më domethënëse të autoriteteve që nga ardhja në pushtet e kryeministrit Péter Magyar, i cili e ndërtoi fushatën e tij elektorale mbi premtimin për luftë kundër korrupsionit dhe forcimin e shtetit ligjor pas viteve të qeverisjes së Viktor Orbánit.
Vetë Magyar reagoi shkurt, duke deklaruar se pret informacion zyrtar nga prokuroria për natyrën e hetimit dhe materialet e sekuestruara gjatë operacionit.
Ndërkohë, liderja e ekstremit të djathtë francez, Marine Le Pen, dënoi bastisjen, duke e cilësuar atë si shkelje të shtetit të së drejtës dhe duke akuzuar qeverinë hungareze për presion ndaj opozitës.
Deri më tani, Prokuroria e Hungarisë nuk ka publikuar një deklaratë të plotë mbi operacionin. Sipas Reuters, kontrolli lidhet me hetimet për fondet publike, ndërsa pretendimet e Fidesz se bëhet fjalë për një sulm politik mbeten qëndrimi i vetë partisë.
orban 1 Komente O Oldman 21 Korrik 2026, 17:43 Kështu qoftë edhe për krye hajdutin tonë . Përgjigjjuni Lini një Përgjigje Anuloje përgjigjen Rajoni dhe Bota Pezheskian: Komunikimi me Khamenein është rritur, të gjitha vendimet kritike i merr ai 21 Korrik 2026, 15:1715:17Rajoni dhe Bota Italia "digjet" nga i nxehti, rritet numri i qyteteve në alarm të kuq 21 Korrik 2026, 14:5914:59Rajoni dhe Bota Nga Namibia te Gaza: A po hyn bota në epokën e gjenocideve pa ndëshkim? 21 Korrik 2026, 13:3813:38Rajoni dhe Bota Nga kokaina te nafta/ Mediat ekuadoriane: Mafia shqiptare e përfshirë në një tjetër skemë kriminale 21 Korrik 2026, 13:0513:05Rajoni dhe Bota Megaoperacion antidrogë në Itali, sekuestrohen 770 kg kokainë e pastër me vlerë 250 mln euro 21 Korrik 2026, 12:5412:54Rajoni dhe Bota "Është e papranueshme që njerëzit të jetojnë në varfëri", presidenti iranian flet për luftë të plotë 21 Korrik 2026, 12:2412:24Rajoni dhe Bota