Donald Trump dhe Todd Blanche Ish-avokati personal i Presidentit Donald Trump mori miratimin me 50 vota pro dhe 49 kundër, pas kundërshtimeve nga demokratët dhe dy senatorë republikanë Senati i Shteteve të Bashkuara ka konfirmuar Todd Blanche si Prokurorin e ri të Përgjithshëm të SHBA-së, në një votim të zhvilluar në orët e para të ditës së sotme. Kandidatura e tij u miratua me një rezultat të ngushtë, 50 vota pro dhe 49 kundër.
Blanche, ish-avokat personal i Presidentit Donald Trump, kishte ushtruar detyrën e Prokurorit të Përgjithshëm në mënyrë të përkohshme që prej largimit të Pam Bondi në prill.
Të gjithë senatorët demokratë votuan kundër kandidaturës së tij. Edhe senatorët republikanë Susan Collins dhe Lisa Murkowski njoftuan se do ta kundërshtonin. Mbështetja e senatorit republikan Bill Cassidy nga Luiziana i siguroi Blanche votat e nevojshme për konfirmim.
Dy senatorë të tjerë republikanë, John Cornyn nga Teksasi dhe Thom Tillis nga Karolina e Veriut, kishin paralajmëruar se mund ta bllokonin kandidaturën. Megjithatë, ata e mbështetën Blanche pasi Departamenti i Drejtësisë konfirmoi me shkrim se nuk do të vazhdonte me një fond prej 1.8 miliardë dollarësh, të quajtur “anti-weaponization”.
Fondi synonte kompensimin e aleatëve të Trump që pretendojnë se autoritetet i kishin ndjekur penalisht për arsye politike. Trump kishte kërkuar krijimin e tij si pjesë e një marrëveshjeje lidhur me padinë e tij kundër Shërbimit të të Ardhurave të Brendshme (IRS).
Demokratët argumentojnë se vendimi i Departamentit të Drejtësisë nuk ofron garanci të mjaftueshme për të penguar rikthimin e fondit pas konfirmimit të Blanche. Senatori Dick Durbin nga Illinois tha se Departamenti i Drejtësisë mund ta rivendosë atë përmes një urdhri të ri. Demokratët kanë kërkuar miratimin e një ligji që do ta ndalonte fondin në mënyrë të përhershme.
Kush është Todd Blanche?
Blanche ka shërbyer më parë si prokuror federal dhe ishte pjesë e rëndësishme e ekipit mbrojtës të Trump gjatë çështjeve penale ndaj tij. Ai iu bashkua Departamentit të Drejtësisë si zëvendësprokuror i përgjithshëm dhe më pas mori drejtimin e përkohshëm të institucionit.
Sipas FOX Local, gjatë periudhës si drejtues në detyrë, Blanche përshpejtoi hetimet ndaj disa kundërshtarëve të Trump dhe ngriti akuzë ndaj ish-drejtorit të FBI-së, James Comey. Kritikët e tij pretendojnë se këto veprime ngrenë pikëpyetje mbi pavarësinë e tij nga presidenti. todd blanche shba trump Lini një Përgjigje Anuloje përgjigjen Rajoni dhe Bota Lumenjtë e Evropës po thahen; pasoja për transportin, ekonominë dhe ujin e pijshëm 8 Gusht 2026, 15:3615:36Rajoni dhe Bota Nga aeroportet te bazat bërthamore, dronët rusë rrethojnë Europën; Moska ndez alarmin e kuq në NATO 8 Gusht 2026, 14:3414:34Rajoni dhe Bota Njihej si "Merimanga" e Assad-it; si një fletore e harruar në apartamentin luksoz çoi në gjurmët e shefit famëkeq të spiunazhit 8 Gusht 2026, 13:4813:48Rajoni dhe Bota “Kthehu në Shqipëri”/ Sulmohet gazetari grek me origjinë shqiptare: Je mysafir, nuk duhet të flasësh! 8 Gusht 2026, 13:0013:00Rajoni dhe Bota Përplasje totale Itali-Spanjë për Schengen, Meloni sfidon Sánchez: Nuk pranojmë shantazhet 8 Gusht 2026, 11:3511:35Rajoni dhe Bota Lexon bisedat, merr fjalëkalimet dhe fshin të dhënat, programi kinez i spiunazhit alarmon vendet e NATO-s 8 Gusht 2026, 11:0111:01Rajoni dhe Bota