Inspektorati Kombëtar i Mbrojtjes së Territorit (IKMT) ka zhvilluar një inspektim në zonën e Palasës, ku ka konstatuar shkelje të legjislacionit mjedisor nga subjekti "Gjikuria".
Sipas gjetjeve të trupës inspektuese të Drejtorisë së Inspektimit të Mjedisit dhe Ujërave, impianti i trajtimit të ujërave të ndotura funksiononte pa Lejen Mjedisore të Tipit B, dokument i detyrueshëm për ushtrimin e këtij aktiviteti.
Për këtë shkelje, IKMT ka vendosur një masë administrative me gjobë dhe ka urdhëruar subjektin të pajiset me Lejen Mjedisore të Tipit B, në përputhje me kërkesat e legjislacionit në fuqi. “Në kuadër të garantimit të zbatimit të ligjshmërisë, Inspektorati Kombëtar i Mbrojtjes së Territorit kreu një inspektim në zonën e Palasës në subjektin Gjikuria.
Trupa inspektuese e Drejtorisë së Inspektimit të Mjedisit dhe Ujërave konstatoi se impianti i trajtimit të ujërave të ndotura operonte pa Leje Mjedisore të Tipit B.
Për këtë shkelje u vendos masë administrative me gjobë si dhe iu la detyrë subjektit të pajiset me Leje Mjedisore të Tipit B, në përputhje me legjislacionin në fuqi”, thekson IKMT./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.