Një aksident i rëndë rrugor ka ndodhur mbrëmjen e djeshme në Pezë, ku një 15-vjeçar ka humbur jetën, ndërsa shoku i tij 16-vjeçar ka mbetur i plagosur. Dy të miturit po udhëtonin me një automjet, kur drejtuesi ka humbur kontrollin dhe makina ka dalë nga rruga, duke përfunduar në kanal.
Si pasojë e përplasjes, 15-vjeçari ka humbur jetën në vendngjarje. Ndërkohë, 16-vjeçari është transportuar në spital për të marrë ndihmë mjekësore dhe, sipas të dhënave paraprake, ndodhet jashtë rrezikut për jetën.
Nga informacionet paraprake mësohet se automjeti ishte marrë pa dijeninë e të atit nga 15-vjeçari. Policia ka nisur hetimet për të dokumentuar rrethanat e plota të aksidentit dhe për të përcaktuar dinamikën e ngjarjes tragjike.