I dërguari special i SHBA-së, Steve Witkoff, do të takohet me presidentin rus Vladimir Putin në Shën Petersburg të mërkurën për të diskutuar propozimet për t'i dhënë fund konfliktit shumëvjeçar të Rusisë me Ukrainën.
Bisedimet vijnë një ditë pas takimit të Witkoff me Presidentin e Ukrainës Volodymyr Zelensky në Oslo, të cilin një zyrtar amerikan e përshkroi si konstruktiv.
Kievi më parë akuzoi SHBA-në për mbajtjen sekrete të inteligjencës, një pretendim i hedhur poshtë si skandaloz nga Uashingtoni, por të martën, Zelensky tha se ndarja e inteligjencës me SHBA-në mbi sulmet raketore ruse po funksionon.
Zelensky dhe aleatët e tij evropianë thanë se tani i takon Rusisë t’u përgjigjet propozimeve të dakordësuara në Oslo, kur Witkoff të takohet me Putinin të mërkurën.
Presidenti finlandez Alexander Stubb, i cili gjithashtu mori pjesë në bisedime, tha pati një përparim në lidhje me bisedimet për paqe, por nuk dha detaje.
Witkoff nuk ishte i pranishëm në konferencën e përbashkët për shtyp pas bisedimeve të së martës në kryeqytetin norvegjez. Dhëndri i Trump, Jared Kushner, një tjetër i dërguar kyç, mori pjesë në takim nëpërmjet video-lidhjes.
Një zyrtar amerikan më vonë i përshkroi bisedimet si shumë produktive dhe konstruktive, duke thënë se kishte një bashkëpunim të fortë në nivelin e punës midis SHBA-së, Ukrainës dhe Evropës mbi hapat e ardhshëm.
Zyrtari konfirmoi se Witkoff do të takohet nesër me Presidentin Vladimir Putin në Rusi për të diskutuar propozimet dhe se Kushner do të marrë pjesë përsëri virtualisht.
Putini ende nuk ka komentuar publikisht mbi zhvillimet e fundit, por Ministri i Jashtëm Sergei Lavrov më parë tha se Kremlini do të dëgjonte atë që do të ofronte Wiktoff, ndërsa përjashtoi çdo lëshim politik.
Marrëdhëniet midis Ukrainës dhe SHBA-së janë përkeqësuar në javët e fundit deri në atë pikë sa Trump ka thënë se është koha që Ukraina të ketë një president të ri dhe së fundmi që dikush tjetër të negociojë në emër të Ukrainës./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.