Një 40-vjeçar ka humbur jetën pasditen e sotme në Durrës, pasi është ndier keq dhe ka humbur ndjenjat teksa ishte duke punuar në një kantier ndërtimi.
Ngjarja është regjistruar rreth orës 15:00, në lagjen nr. 4 të qytetit. Sipas të dhënave paraprake, 40-vjeçari me inicialet E. L. është konstatuar pa ndjenja dhe është transportuar menjëherë drejt spitalit për të marrë ndihmë mjekësore.
Megjithë përpjekjet e mjekëve, ai nuk ka mundur të mbijetojë dhe ka ndërruar jetë.
Pas ngjarjes, në vendin e incidentit kanë mbërritur shërbimet e policisë, ndërsa grupi hetimor, nën drejtimin e Prokurorisë, ka nisur verifikimet për të përcaktuar shkaqet e humbjes së jetës dhe për të sqaruar rrethanat e plota të rastit.