Greva e doganierëve grekë ka pezulluar përkohësisht lëvizjen në Pikën e Kalimit Kufitar të Kakavijës, duke shkaktuar radhë të gjata automjetesh dhe pritje për qytetarët që synojnë të kalojnë drejt Greqisë. Që prej orëve të para të mëngjesit, nuk është lejuar asnjë kalim në territorin grek, ndërsa dhjetëra automjete kanë mbetur në pritje në anën shqiptare të kufirit.Lexo edhe:'Shteti na ka harruar'/ Banorët e Zvezdës në protestë: Qindra milionë lekë investim, por fshati ende pa ujë Sipas njoftimit të autoriteteve, përpunimi i procedurave dhe lëvizja në pikën kufitare pritet të rifillojnë në orën 11:00, pas përfundimit të grevës së punonjësve të doganës greke. Deri në rikthimin e aktivitetit normal, qytetarët dhe drejtuesit e mjeteve vijojnë të presin në radhë, ndërsa autoritetet kufitare po monitorojnë situatën.
