Drejtoria e Përgjithshme e Burgjeve ka zhvilluar një kontroll në ambientet e paraburgimit të Durrësit, ku janë gjetur dhe sekuestruar 5 aparate celularë. Kontrolli është kryer në kuadër të masave për forcimin e sigurisë dhe evidentimin e sendeve të ndaluara në institucionet penitenciare.
Sipas të dhënave, pajisjet celulare janë gjetur në sektorin B të paraburgimit të Durrësit. Ky sektor është pjesa ku qëndrojnë kryetari i Bashkisë së Tiranës, Erion Veliaj, si dhe disa ish-zyrtarë të tjerë.
Pesë telefonat e sekuestruar i janë dorëzuar Byrosë Kombëtare të Hetimit (BKH), e cila pritet të kryejë verifikimet përkatëse për të zbardhur mënyrën se si pajisjet kanë përfunduar brenda ambienteve të paraburgimit dhe nëse janë përdorur nga persona të dënuar apo të paraburgosur.