Lajme Zone
Fshiu 15 bashki, shpërblehet me 250 milionë lekë! Këlliçi nxjerr dokumentat për Arbjan Maznikun
PolitikëPolitiko
Ky artikull është pjesë e një historie me 2 burime — Krahaso mbulimin →

Fshiu 15 bashki, shpërblehet me 250 milionë lekë! Këlliçi nxjerr dokumentat për Arbjan Maznikun

Nënkryetari i Partisë Demokratike, Belind Këlliçi, ka hedhur akuza të forta ndaj kryeministrit Edi Rama, pas akordimit të 250 milionë lekëve për Arbjan Maznikun, të cilin e cilëson si një shpërblim për kontributin e tij në reformën territoriale që çoi në zhdukjen e 15 bashkive nga harta administrative e Shqipërisë. Përmes një reagimi publik, Këlliçi e ka cilësuar vendimin skandaloz dhe të pajustif

Nënkryetari i Partisë Demokratike, Belind Këlliçi, ka hedhur akuza të forta ndaj kryeministrit Edi Rama, pas akordimit të 250 milionë lekëve për Arbjan Maznikun, të cilin e cilëson si një shpërblim për kontributin e tij në reformën territoriale që çoi në zhdukjen e 15 bashkive nga harta administrative e Shqipërisë. Përmes një reagimi publik, Këlliçi e ka cilësuar vendimin skandaloz dhe të pajustifikueshëm, duke deklaruar se e ka kundërshtuar atë gjatë mbledhjes së Byrosë së Kuvendit të Shqipërisë, ku u shqyrtua dhe u miratua me votat e përfaqësuesve të mazhorancës.

Sipas deputetit demokrat, dokumentacioni i paraqitur nuk përmban argumente bindëse dhe as një shpjegim të qartë për akordimin e kësaj shume, ndërsa thekson se 250 milionë lekët nuk do të shkojnë për pensionistët, familjet në vështirësi ekonomike apo studentët, por për një prej bashkëpunëtorëve të kryeministrit.

Këlliçi e lidh shpërblimin me rolin e Maznikut në reformën territoriale, përmes së cilës u hoqën 15 bashki nga harta administrative e vendit. Ai shprehet se ky proces u zhvillua pa marrë parasysh vullnetin e banorëve të zonave të prekura, duke shkaktuar pasoja për përfaqësimin e tyre dhe duke nxitur më tej shpopullimin.

Demokrati kujton gjithashtu kundërshtitë dhe protestat e banorëve ndaj ndryshimit të hartës territoriale, ndërsa akuzon mazhorancën se e kaloi reformën në Kuvend përmes forcës së kartonave, pa marrë në konsideratë kundërshtimet e qytetarëve.

Në reagimin e tij, Këlliçi e ka lidhur këtë vendim edhe me shpërblimin e efektivëve të policisë, të cilët, sipas tij, kanë dhunuar dhe plagosur të rinjtë e studentët gjatë protestave.

Ai e cilëson akordimin e 250 milionë lekëve si një tjetër shembull të përdorimit të fondeve publike për privilegjet e bashkëpunëtorëve të qeverisë, ndërsa u bën thirrje qytetarëve të vijojnë protestat dhe kërkesën për largimin e qeverisë. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm