Mbi 500 shkolla në Francë pritet të mbyllen plotësisht ose pjesërisht të hënën, ndërsa autoritetet përgatiten për javën e dytë të protestave të nxënësve. Ministria franceze e Arsimit ka deklaruar se në këto shkolla kushtet e sigurisë nuk janë përmbushur për zhvillimin normal të mësimit. Ministri i Arsimit, Édouard Geffray, tha se 24 shkolla janë djegur ose plaçkitur dhe se 78 pjesëtarë të stafit arsimor janë plagosur gjatë protestave. LEXO edhe...Bulqizë/ Fotovoltaikët shkak për përplasjet në Gjoricë, banorët: U gënjyem, u kërkua vetëm 1, morën 42.5 hektarë Mijëra nxënës kanë dalë në rrugë gjatë ditëve të fundit, duke ngritur barrikada dhe duke kërkuar më shumë financim dhe ndryshime në sistemin arsimor. Ministri Geffray ka akuzuar ndërkohë aktivistë politikë, veçanërisht nga e majta ekstreme, se janë infiltruar në lëvizjen studentore dhe kanë nxitur episode dhune. Protestat nisën më 17 shtator në Paris dhe më pas u përhapën në pjesë të tjera të Francës, duke e vendosur qeverinë e presidentit Emmanuel Macron përballë një prej krizave më të forta të muajve të fundit. Më shumë se 5,000 njerëz, 85 përqind e tyre të mitur, janë arrestuar që nga fillimi i lëvizjes. Një 16-vjeçar u arrestua të dielën për sulmin ndaj një mësuesi në qytetin jugor të La Ciotat. Mësuesi, 59 vjeç, u godit dhe u spërkat me benzinë gjatë një proteste të nxënësve të shkollës së mesme të premten. Një grup të rinjsh u filmuan javën e kaluar duke rrahur dhe shkelmuar një polic në Belfort në Francën lindore. Dy të rinj, shtetas bullgarë të moshës 15 dhe 17 vjeç, janë arrestuar për dhunë të dyshuar, tha prokurori. Xh.K/ReportTv.al gjimnaziste proteste france Komento Komente Sondazhi i ditës: Përveç autorit, ligji duhet të ndëshkojë edhe kë ka bërë publike videot intime private? Po 72.1% Jo 20.4% Nuk e di 7.5% Vota total: 1528 Sondazhi i ditës: Përveç autorit, ligji duhet të ndëshkojë edhe kë ka bërë publike videot intime private?
