Protesta mbushi sheshin para Kryeministrisë edhe në ditën e 70-të, mbrëmjen e së shtunës, me qytetarët që që u mblodhën duke mbajtur pankarta dhe duke artikuluar thirrje kundër qeverisë. Në pankartat e protestuesve ishin shkruar mesazhe si “Toka nuk shitet!”, “Ligji në shërbim të njerëzve, jo të oligarkëve!” dhe “Together for Albania!”. Gjatë protestës u dëgjuan edhe thirrje: “Po vjen dita, po vjen ora, për t’ju shporrur ju, o horra!”, të cilat u përsëritën nga protestuesit gjatë tubimit. Me pankarta, slogane dhe thirrje politike, protestuesit kanë vijuar të përcjellin mesazhin e tyre kundër qeverisë dhe politikave që ata i konsiderojnë në favor të oligarkëve. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
