Kryeministri Edi Rama ka ndarë një video nga Brukseli ku shihet krah anëtarëve të kabinetit të tij dhe grupit negociator me BE-në.
Rama ka ironizuar opozitën për negociatat, ndërsa shton se tashmë ka nisur numërimi mbrapsht, mbyllja e kapitujve. Sipas tij ky proces do të mbyllet brenda vitit 2027. “Po si thanë: ‘Vate kjo punë. Nuk ka më negociata’? Por në fakt, jo vetëm ka negociata, por u mbyllën tre kapitujt e parë. Pra filloi numërimi mbrapsht, mbyllja e kapitujve. Dhe ne, duan s’duan ata që s’duan, do t’i mbyllim të gjithë kapitujt deri në vitin 2027”, tha Rama. Shqipëria ka shënuar sot një hap më pranë në rrugëtimin e saj drejt Bashkimit Evropian, duke mbyllur zyrtarisht tre kapituj të negociatave, Shkenca dhe Kërkimi, Arsimi dhe Kultura dhe Marrëdhëniet me Jashtë. Ky zhvillim u formalizua gjatë Konferencës së Nëntë Ndërqeveritare Shqipëri-BE, e cila u zhvillua këtë të martë në Bruksel. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.