Nëse ende nuk e keni marrë vesh, ministrja e Shëndetësisë Evis Sala i ka hapur një llogari në GoFundMe oligarkut të shëndetësisë Klodian Allajbeut duke i bërë thirrje popullit të dhurojë që t'i shtojnë miliardat...
Ditën e djeshme gazetari Osman Stafa bëri publike një listë të gjatë të Qendrës Spitalore Universitare “Nënë Tereza” me pajisjet që i mungojnë, duke u bërë thirrje donatorëve të kontribuojnë për plotësimin e nevojave të spitalit më të madh në vend.
Në listë përfshiheshin respiratorë, defibrilatorë, monitorë pacienti, si edhe dhjetëra pajisje të tjera që konsiderohen bazike për trajtimin e pacientëve, vlera e të cilave shkonte 3.4 MILIONË €. Por përpos aparaturave mjekësore, QSUT kërkonte edhe pajisje për administratën, mes tyre 281 kompjuterë, 210 printerë dhe tre fotokopje multifunksionale.
Publikimi i kësaj liste ka ngritur pikëpyetje mbi gjendjen reale të sistemit shëndetësor dhe aftësinë e institucioneve për të siguruar kushtet minimale të punës për personelin mjekësor. Sipas institucionit, lista është hartuar mbi kërkesat e shërbimeve spitalore dhe synon vetëm evidentimin transparent të nevojave, pa krijuar të drejta apo përparësi për përfitimin e donacioneve, megjithëse Buxheti i Shtetit për Shëndetësinë për vitin 2026 është miratuar në vlerën 825 MILIARD LEKË.
Por ironia është se vetëm pak ditë më parë, ministrja e Shëndetësisë deklaroi se buxheti i vitit 2026 për këtë sektor është rritur me 8.9 miliardë lekë krahasuar me planifikimin fillestar, ndërkohë në një "GOFUNDME" publike u lyp qytetarëve objekte mjekësore bazike, ndërkohë që miliarda € tendera hidhen çdo ditë nga taksat e tyre në xhepat e oligarkëve të Shëndetësisë.
Shpërdorimet dhe pazaret në tenderat e këtij sektori të denoncuara çdo ditë në JOQ, arrijnë shifra të frikshme ndërkohë që absurditeti më i madh u servir nga vetë Evis Sala, sekretarja e ministrit të Shëndetësisë Klodian Allajbeu.
Kjo çmenduri ka vetëm një motiv të zbuluar kohë më parë nga JOQ Albania. Sekretarja e Allajbeut de jure në atë pozicion po përgatit terrenin që t'i jap me koncesion shefit spitalin më të madh në vend, QSUT. Kjo bëhet vetëm duke nxjerrë inkopetencë që Buxheti i Shtetit nuk i mbulon shpenzimet që nevojiten dhe do duhet nje donator i jashtëm që ta binjakëzojë me spitalin e tij privat.
Në shkrimet e mëparshme të JOQ është cilësuar qartë se Spitali Amerikan i financuar nga izraelitët do marrë drejtimin e sistemit shëndetësor në vend duke e kthyer në Monopol të Allajbeut, duke përqendruar në duart e këtij të fundit fondet shtetërore.
Ky i fundit hyn e del në ministri si në shtëpi të vet, informacion i ditur nga të gjithë punonjësit e thjeshtë që i frikësohen kësaj afere që kërkon hetim të menjëhershëm dhe burgosjen e lidhjeve titullar puppet-oligark!